Dual PanelReh me wari TUHAN
1Nina TUHAN si Mada Kuasa, "Reh me warina i ja kerina kalak si meganjang rukur ras kalak jahat meseng desken nggala. I bas wari e pagi meseng me ia, maka sitik pe lanai lit ia tading.
2Tapi man bandu si ngikutken Aku, reh me kuasangKu si ngkelini kam bagi matawari pultak erpagi-pagi; kuasangku pepalem kam bali kap ras sinalsal matawari. Meriah dingen bebas me kam desken anak lembu si ipulahi i bas karangna nari.
3I bas warina Aku nehken perbahanenKu, italukenndu me kalak si jahat, dingen iperjakindu ia desken abu i teruh tapak-tapak nahendu.
4Ingetlah pengajaren suruh-suruhenKu Musa, eme undang-undang ras perentah-perentah si Kubereken man bana i Deleng Sinai, gelah iikutken bangsa Israel kerina.
5Tapi ope denga seh wari si mbelin dingen mejin e, Kusuruh pagi man bandu Nabi Elia.
6Bapa ras anak ipersadana pagi mulihi; adi la bage tentu terpaksa Aku reh, jenari Kukernepken negerindu."