Pertoton guna ngelawan musuh
1O Israel, turiken uga pengayak-ngayak kalak kam paksa kitikndu nari.
2"Mulai kin kitikku nari, nggo aku iayak-ayak musuh-musuhku, tapi la tertalukenca aku.
3Mbages pengelukaina gurungku, bali ras juma si mbaru dung itenggalai.
4Tapi TUHAN bujur kap, nggo IpulahiNa aku i bas perbudaken kalak jahat nari."
5La banci lang talu dingen surut kalak si ernembeh ate man Sion.
6Jadilah ia bali ras dukut si turah i datas tarum, melus ope mbelin.
7La lit kalak si pepulungsa, ntah si mberkissa.
8Kalak si mentasisa, sekalak pe la ngatakenca, "TUHAN si masu-masu kam! Ipasu-pasu kami kam i bas gelar TUHAN."