Pertoton mindo penampat
1I bas Daud nari.
2O TUHAN, asa kai nari dekahna kam lupa man bangku? Rasa lalap kin? Kasa kai nari dekahna IbunikenNdu DiriNdu i bas aku nari?
3Asa kai nari dekahna aku nggengken kiniseran? Asa kai nari dekahna mesui pusuhku suari ras berngi? Asa kai nari dekahna aku italuken imbang-imbangku?
4O TUHAN Dibatangku, perdiateken aku, begikenlah pertotonku. Bere gegeh man bangku ula pelepas mate aku.
5Ula pediat musuh-musuhku ngerana, "Nggo sitaluken ia." I bas perjurembatku, ula pelepas puas iakapna.
6Ernalem aku ku bas keleng ateNdu si tetap. Meriah ukurku perbahan IpulahiNdu aku. O TUHAN rende aku man BanNdu. Sabap lalap mehuli PerbahanNdu man bangku.