Dual PanelEnde-enden pengataken bujur
1Kataken bujur man TUHAN, sabap mehuli kal Ia, keleng AteNa tetap rasa lalap.
2Kataken bujur man Dibata nu dibata-dibata; keleng AteNa tetap rasa lalap.
3Kataken bujur man TUHAN kerina tuan-tuan; keleng AteNa tetap rasa lalap.
4Ia ngenca si erbahan tanda-tanda kuasa; keleng AteNa rasa lalap.
5Alu KepentarenNa IjadikenNa langit, keleng AteNa tetap rasa lalap.
6IpantekiNa doni i babo lau, keleng AteNa tetap rasa lalap.
7Sierbahan matawari ras bulan, keleng AteNa tetap rasa lalap.
8Matawari ngkuasai suari, keleng AteNa tetap rasa lalap.
9Bulan ras bintang ngkuasai berngi, keleng AteNa tetap rasa lalap.
10IbunuhNa kerina anak sintua i Mesir, keleng AteNa tetap rasa lalap.
11ItaruhkenNa Israel ndarat i tengah-tengah bangsa Mesir nari; keleng AteNa tetap rasa lalap.
12Alu TanNa si megegeh ras tentera si megegeh, keleng AteNa tetap rasa lalap.
13Lawit Merah ibelah DuakenNa; keleng AteNa tetap rasa lalap.
14IbahanNa BangsaNa ngepari lawit e; keleng AteNa tetap rasa lalap.
15Tapi raja Mesir ras tenterana IgedapkenNa; keleng AteNa tetap rasa lalap.
16IbabaiNa BangsaNa arah gurun pasir, keleng AteNa tetap rasa lalap.
17Raja-raja si mbisa talu IbahanNa, keleng AteNa tetap rasa lalap.
18Raja-raja si terberita IbunuhNa; keleng AteNa tetap rasa lalap.
19Sihon raja Amori; keleng AteNa tetap rasa lalap.
20Og raja Basan; keleng AteNa tetap rasa lalap.
21Negeri e IberekenNa man BangsaNa, keleng AteNa tetap rasa lalap.
22Jadi pusaka man Israel, suruh-SuruhenNa; keleng AteNa tetap rasa lalap.
23Tupung kita italuken la Ia lupa man banta; keleng AteNa tetap rasa lalap.
24ItangtangiNa kita i bas tan musuh nari; keleng AteNa tetap rasa lalap.
25Kerina mahluk-mahluk si nggeluh IbereNa man; keleng AteNa tetap rasa lalap.
26Kataken bujur man Dibata raja Surga; keleng AteNa tetap rasa lalap.