Alkitab Mobile SABDA
[VER] : [KARO]     [PL]  [PB] 
 <<  Mazmur 14 >> 

Kejahaten manusia (Mzm 53)

1I bas Daud nari. Nina kalak bodoh i bas ukurna, "Labo lit Dibata." Kerina pertaki pacik, dingen nggo ilakokenna perbahanen si mejin; la lit sekalak pe ngelakoken kebujuren.

2I Surga nari iperdiateken TUHAN kap manusia, InehenNa ntah mawen lit kalak si pentar, ntah lit kalak si ndarami Dibata.

3Tapi kerina kalak nggo papak perbahanenna, iraskenna erbahan jahat. La lit sekalak pe ngelakoken kai si benar, sekalak pe lang.

4Nina TUHAN, "Kerina kin kalak jahat enda la erpemeteh? Nggeluh ia ngerampuki bangsangKu, dingen la ia pernah ertoto man bangKu."

5Tapi kenca bage mbiar me ia kerina, sabap Dibata nemani kalak si patuh man BaNa.

6Kalak jahat ngolangi rencana kalak musil, tapi TUHAN kap si nampatisa.

7Uga ndia ningku ertoto, maka reh kemenangen man Israel i Sion nari. Andiko riahna ukur kalak Israel, adi TUHAN erbahanca sangap ka ia mulihken!


  Share Facebook  |  Share Twitter

 <<  Mazmur 14 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran