Alkitab Mobile SABDA
[VER] : [KARO]     [PL]  [PB] 
 <<  Mazmur 148 >> 

Langit ras doni muji TUHAN

1Pujilah TUHAN! Pujilah TUHAN i Surga nari, o kam kerina si ringan i bas ingan si Meganjangna.

2O kam malekat-MalekatNa pujilah Ia, pujilah Ia, o kam kerina tentera Surga.

3Pujilah Ia, o matawari ras bulan, pujilah Ia, o bintang-bintang si ersinalsal.

4Pujilah Ia, o langit si meganjangna, pujilah Ia, o kam si lit i datas langit.

5Kerina min muji TUHAN! Sabap Ia si merentahkenca maka kerina e jadi.

6Kerina tinepa e ItetapkenNa InganNa seh rasa lalap, janah la banci la IpatuhiNa.

7Pujilah TUHAN, o isi doni kerina, o naga lawit ras lawit si mbagesna,

8o kilap ras baho, salju ras embun, angin si erpiu si patuh man PerentahNa.

9Pujilah TUHAN, o uruk-uruk ras deleng-deleng, o kerina kayu si erbuah dingen kerangen kerina.

10O rubia-rubia si melemuk ras si meliar, o rubia-rubia si njoler dingen perik-perik kerina!

11Pujilah Ia, o raja-raja ras bangsa-bangsa, o sibiak raja bage pe penguasa si deban;

12o anak perana singuda-nguda, o kam kerina orang tua ras anak-anak.

13Berelah man kerina muji TUHAN! Sabap GelarNa ganjangen kap asangken kerina gelar. KemulianNa ganjangen asa doni ras langit.

14Ia si mere gegeh man BangsaNa, man bangsa Israel KekelengenNa. Erkiteken si e kerina BangsaNa muji Ia. Pujilah TUHAN!


  Share Facebook  |  Share Twitter

 <<  Mazmur 148 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran