Alkitab Mobile SABDA
[VER] : [KARO]     [PL]  [PB] 
 <<  Mazmur 28 >> 

Ertotolah mindo penampat

1I bas Daud nari. TUHAN sekawalku, erlebuh aku BaNdu, dengkehken min perserkongku. Adi la aku IaloiNdu, nusur me aku ku doni kalak mate.

2Begiken min aku tupung erlebuh mindo PenampatNdu, tupung aku ngangkat tanku kempak RumahNdu.

3Ula UkumNdu aku radu ras kalak jahat, ras kalak si ngelakoken si la bujur. Kalak si percakap manis, tapi ukurna dem alu elem-elem.

4Ukum min ia kerina sue ras perbahanenna, kerna si jahat si nggo ibahanna. Ukumlah ia sue ras kai si ibahanna baliken man bana ukumen bagi patutna.

5PerbahanenNdu, TUHAN, la diatena pe si IbahanNdu pe la IperdiatekenNa. Emaka IberekenNdu ukumen man bana, jenari IkernepkenNdu ia rasa lalap.

6Pujilah TUHAN, sabap nggo IbegikenNa pemindonku.

7TUHAN kap gegeh dingen ampang-ampangku man BaNa aku ernalem. Ia si nampati ras periah ukurku, kupuji ia alu ende-enden si meriah.

8TUHAN si ngkawali BangsaNa, IbelaNa ras IselamatkenNa raja PilihenNa.

9Kelini BangsaNdu o TUHAN, pasu-pasulah bangsa PusakaNdu. Permakanilah ia, pekena-kenalah seh rasa lalap.


  Share Facebook  |  Share Twitter

 <<  Mazmur 28 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran