Alkitab Mobile SABDA
[VER] : [KARO]     [PL]  [PB] 
 <<  Mazmur 65 >> 

Puji-pujin ras pengataken bujur

1Masmur Daud; ende-enden.

2O Dibata, patut maka ipuji kami Kam i Sion dingen ngkunduli padan si ibahan kami alu sumpah.

3Kam kap si megiken pertoton. Erkiteken nggo erdosa, kerina kalak reh man BaNdu.

4Mberat kal dosa-dosa kami tapi keri kal IalemiNdu.

5Sangap kal kalak si IpilihNdu, dingen kalak si IdiloNdu ringan i bas kesain RumahNdu. Puas iakap kami kerna kerina si mehuli si lit i bas RumahNdu, InganNdu si badia.

6IbegikenNdu kami alu mereken kemenangen man kami, IbahanNdu perbahanen si mejin guna ngkelini kami. Kerina bangsa-bangsa i babo doni enda, seh ku lepar lawit si mbelang erkiniteken man BaNdu.

7Alu GegehNdu IpecinderNdu deleng-deleng i bas InganNa, guna encidahken KuasaNdu si mbelin.

8Kam si pejeneng geruhguh nu lawit, sora galumbang si pinger. Kam si pengadi perjengilen manusia.

9Kerina si ngiani doni enda nggirgir ras mehamat, ngidah PerbahanenNdu si mbelin. I bas tampuk doni kutampukna si deban kerina rende ersurak erkiteken PerbahanenNdu.

10IberekenNdu udan dingen ipekena-KenaNdu taneh enda, IbahanNdu maka mehumur ia gelah mbue asilna. Baluren lau IdemiNdu alu lau, maka mbuah ulih juma kerina.

11Taneh si nggo itenggalai InengnengiNdu alu lau, dingen gulbakna litap IbahanNdu. Alu udan megabur IbahanNdu taneh e, janah sinuan si mbaru ertunas ipebelin-BelinNdu.

12Perbahan LiasNdu, ipasu-PasuNdu sinuan-sinuan. Ku ja pe Kam lawes, i je pangan riba-iba.

13Mbalmbal dem alu asuh-asuhen, uruk-uruk ermetikken keriahen. <65:14> - Rebe-reben iuisi alu biri-biri berneh-berneh tempa-tempa icabini salu page si megersing. Kerina ersurak, dingen rende perban riahna.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Mazmur 65 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel