Alkitab Mobile SABDA
[VER] : [KARO]     [PL]  [PB] 
 <<  Mazmur 7 >> 

Ertoto guna keadilen

1Ende-enden Daud erkiteken Kus kalak Benyamin e.

2O TUHAN, Dibatangku, reh aku ndahi Kam gelah IkawaliNdu; pulahi dingen kelini aku i bas kerina imbang si ngayaki aku,

3adi lang bali ia ras singa si merawa isarenna me aku ku ingan si la lit kalak si nampati, jenari icaing-caingna ngayak melumat.

4O TUHAN Dibatangku, adi lit kubahan salah man kalak, adi lit kin kubahan jahat man teman, ntah lit kulakoken si jahat man imbang-imbangku alu la ersabap, adi lit kin kubahan si enda ndai,

5(Mzm 7:4)

6adi bage pediatlah imbang-imbangku ngelis aku, dingen ngerigep aku; pelepas imbang-imbangku nampul aku jenari munuh aku janah itadingkennalah aku ampar lanai erkesah.

7O TUHAN kekelah i bas RawaNdu, tedislah ngelawan pernembeh musuh-musuhku, kekeken jenari sampati aku. Sabap keadilen kap si IpindonNdu.

8Emaka pepulunglah kerina bangsa-bangsa ku SekelewetNdu jenari bahanlah maka Kam nghakimi kerina.

9O TUHAN, Kam kap Hakim kerina manusia adili min kinibujurenku; IetehNdu kap aku la ersalah.

10Kam kap Dibata si tuhu-tuhu si pepayo perukuren ras sura-sura kami. Pengadilah kejahaten kalak jahat jenari berekenlah upah man kalak bujur.

11Dibata kap sekawalku, IkeliniNa kalak si patuh man BaNa.

12Dibata kap Hakim si bujur dingen tetap ngukum kalak jahat.

13Adi kalak jahat la nggit jera, igarut Dibata me PedangNa. IpegestengNa panahna jenari IpanahkenNa,

14IbuatNa senjata si mahan mate jenari IrentangNa alu anak panah si gara.

15Nehenlah uga kalak jahat ngukurken kejahaten; iukurkenna si jahat, jenari idalankenna tipu.

16Itogengna siding nidingi kalak, tapi ia jine kena sidingna.

17Emaka alu kejahatenna jine ia iukum, dingen perbahanenna jine kap si ndumpang ia. <7:18> - Kukataken bujur man TUHAN erkiteken KeadilenNa, rende aku muji TUHAN, si Meganjangna.


  Share Facebook  |  Share Twitter

 <<  Mazmur 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran