Alkitab Mobile SABDA
[VER] : [KARO]     [PL]  [PB] 
 <<  Mazmur 76 >> 

Dibata kap si permenang

1Masmur Asap.

2Dibata itandai kap i Juda, i Israel mbelin GelarNa.

3Jerusalem kap InganNa tading RumahNa eme kap Deleng Sion.

4I je IripukkenNa kerina perkakas perang, lanai lit panah si erndilap, ampang-ampang ntah pedang.

5Mbelin kal KemulianNdu, o Dibata, mulian asangken deleng-deleng si nggo lit nai-nai nari.

6Kalak si la meteh mbiar nggo irampasi, badeh pertunduhna, lanai ia keke. Tentera-tentera si mbisa, nggo bene kinimbisanna.

7O Dibata nu Jakup, IserangNdu ia, emaka mate kerina kuda ras si ngersaksa.

8Kerina kalak mbiar man BaNdu, o TUHAN, adi keke RawaNdu, ise kin ngasup nahankenca?

9I das langit nari IberitakenNdu KeputusenNdu, sinik doni enda perban biarna,

10tupung Kam keke lako melasken keputusen, guna nelamatken kalak si tertindas i doni.

11Rawa manusia pe tama pujin man BaNdu iba rawa manusia e pe IcekemNdu.

12Sehkenlah kai si nggo ipadankenndu man TUHAN Dibatandu; kerina bangsa si i sekelewetna, ibabanalah persembahen man Dibata si medolat. <76:13> - Ipeterukna penguasa si meganjang rukur, mbiar raja-raja doni IbahanNa.


  Share Facebook  |  Share Twitter

 <<  Mazmur 76 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran