Dual PanelDibata kap Raja Mulia
1Masmur Asap. Dibata minpin runggun si badia i Surga, i bas perpulungen dibata-dibata IberekenNa me KeputusenNa:
2"Asa kai nari dekahna kam ngadili alu la bujur, dingen ngkapiti kalak jahat?
3Belalah hak anak-anak melumang dingen kalak si la megegeh, bahan adil kempak kalak musil ras si mesera.
4Pulahilah ia i bas tan kalak perdosa nari.
5La kam erpemeteh dingen la lit pengertinndu. Kam erdalan arah kegelapen, erkiteken kam maka nggo bene keadilen i doni.
6Ningku maka kam me dibata-dibata, kerina kam anak Dibata si Mada Kuasa.
7Tapi mate me kam bali ras manusia, bagi kerina anak raja-raja, kam pe kernep me kerina."
8Reh kam min, o Dibata, adili min doni enda, sabap Kam empuna kerina bangsa-bangsa.