Mazmur 87 (KARO)

Pujin man Jerusalem

1Masmur anak-anak Korah; ende-enden. I datas deleng si badia, ipajekken TUHAN KotaNa.

2I bas kerina kota-kota si lit i Israel, Jerusalem AteNa si kelengna.

3O kota Dibata, enda me perkara-perkara si mejin si ikataken Dibata kerna kam; begikenlah,

4"Mesir ras Babilon Kubahan ikut i bas bangsa-bangsa si nandai Aku. Bangsa Pilisti, Tirus, Sudan tama beligan Kubahan i bas kalak Jerusalem."

5Kerna Sion bage me nina kalak, Kerina bangsa sikerajangenna kap. Dibata si Mada Kuasa, eme si mahanca ia paguh.

6Isuratken TUHAN me maka bangsa-bangsa, jadi kalak Jerusalem.

7Landek janah rende me ia nina, "I Sion kap sumbul kerina pasu-pasu man kami!"

<< Mazmur 87 >>