Alkitab Mobile SABDA
[VER] : [KARO]     [PL]  [PB] 
 <<  Mazmur 88 >> 

Erlebuh mindo penampat

1Masmur anak-anak Korah; ende-enden pengajaren Heman kalak Esrahi.

2O TUHAN Dibata si engkelini aku gedang-gedang wari aku erlebuh man BaNdu, janah tupung berngi, reh aku ngadap man BaNdu.

3Begiken min pertotonku, dengkehken min pingko-pingkongku.

4Nggo besur aku ngenanami kiniseran, kematenku nggo ndeher.

5Nggo aku bali ras kalak si nandangi mate, kerina gegehku nggo bene.

6Aku itadingken i tengah-tengah kalak mate, bagi kalak si terbunuh terdang aku i bas kuburen, desken kalak si lanai pernah IingetNdu. Aku nggo sirang ras PenampatNdu.

7IambekkenNdu aku ku bas lubang si mbages, ku bas kelbung si mbages dingen gelap.

8Alu RawaNdu IdehkenNdu aku, emaka getem kal aku, itamburi GalumbangNdu.

9Teman-temanku IpedauhNdu i bas aku nari, IbahanNdu maka ciga atena man bangku, terkepung aku lanai banci pulah.

10Gelap matangku perban kiniseran e, gedang-gedang wari erlebuh aku man BaNdu, o TUHAN, janahku ertoto, kuangkat tanku.

11IlakokenNdu denga kin tanda KuasaNdu man si mate? Banci denga kin ia keke dingen muji Kam?

12Icakapken denga kin keleng AteNdu i bas kuburen-kuburen? Ipuji denga kin Kam i bas kalak mate?

13Lit denga kin si ngidah tanda KuasaNdu i bas si gelap? tah pe KiniulinNdu i bas negeri kalak si nggo ilupaken?

14O TUHAN, man BaNdu saja aku erlebuh mindo penampat tep-tep erpagi-pagi aku ertoto man BaNdu.

15O TUHAN, ngkai maka aku ItadingkenNdu. Ngkai maka aku ItundalkenNdu.

16Kitik-kitikku nari mesui kal ateku, narus-narus mate, la aku ngasup ngaloken ukumen si IberekenNdu.

17Getem aku perban RawaNdu si mejin, PengukumNdu si mberat ngeripukken aku.

18Seri ia ras banjir, ikepungna aku, tep-tep wari aku ikelewetina arah kerina dampar. <88:19> - Teman-teman kekelengenku IpedauhNdu i bas aku nari, emaka kegelapen nari nge jadi temanku.


  Share Facebook  |  Share Twitter

 <<  Mazmur 88 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel