Alkitab Mobile SABDA
[VER] : [KARO]     [PL]  [PB] 
 <<  Mazmur 97 >> 

Dibata kap raja mulia

1TUHAN kap raja! O doni ersuraklah. O pulo-pulo ersuraklah!

2Embun dingen kegelapen ngkeleweti Ia. Ia merentah alu kebenaren ras kebujuren.

3Api ernala-nala i adep-AdepenNa, musuh i kelewetna meseng IbahanNa.

4KilapNa nerangi doni, gentar doni ngidahsa.

5I adep-adepen TUHAN, deleng-deleng melengas desken lilin, sabap ia kap TUHAN nu kerina doni.

6Langit ermomo kerna KebenarenNa, kerina bangsa ngidah KemulianNa.

7Kerina kalak si nembah gana-gana ijuruken me, saksi ras kalak si megah iakapna kerna berhala-berhala, kerina dibata-dibata erjimpuh i adep-adepen TUHAN.

8Ersurak meriah kalak Sion ras Juda, erkiteken KeputusenNdu, TUHAN.

9TUHAN si Mada Kuasa kap ngkuasai doni enda, KemulianNa ngelebihi kerina dibata-dibata.

10O kam si erkeleng ate man TUHAN, cigalah AteNdu kejahaten. Sabap ikawali TUHAN kap kalak si setia man BaNa IkeliniNa ia i bas kuasa kalak jahat nari.

11Terang ersinalsal i babo kalak si benar, kalak bujur dem alu keriahen.

12Meriahlah atendu kerna TUHAN, o kerina kalak si pinter ukurna, janah kataken bujur man Dibata si Badia.


  Share Facebook  |  Share Twitter

 <<  Mazmur 97 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran