Alkitab Mobile SABDA
[VER] : [KARO]     [PL]  [PB] 
 <<  Mazmur 98 >> 

Dibata kap raja doni

1Endekenlah ende-enden si mbaru man TUHAN, sabap PerbahanenNa si mejin. Alu kuasa dingen gegehna si badia jine, Ia nggo menang.

2Iberitaken TUHAN KemenangenNa, nggo IcidahkenNa KeselamatenNa i lebe-lebe bangsa kerina.

3ItepatiNa PadanNa man Israel BangsaNa, sabap Ia tetap erkeleng ate ras setia man kalak enda. Kerina bangsa-bangsa i doni, nggo ngidah kemenangen si reh i bas Dibatanta nari.

4Ersuraklah man TUHAN, o doni kerina, ersuraklah dingen rendelah perban riahna.

5Puji min TUHAN alu kulcapi, endekenlah ende-enden pujin man BaNa.

6Embuslah tanduk ras terompet, ersuraklah man TUHAN rajanta.

7Ergeruhguhlah, o lawit ras kerina IsiNa, o doni dingen kerina si ngianisa.

8O kam lau belin ertepuklah, o deleng-deleng rendelah ras-ras meriah iadepen TUHAN.

9Sabap Ia reh guna merentah doni enda. IrajaiNa kerina bangsa i doni enda alu bujur ras rembang tengah.


  Share Facebook  |  Share Twitter

 <<  Mazmur 98 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran