Dual Panel1Kenca bage ibabana ka aku ku kamar si arah tengah, si igelari Ingan si Badia. Isibarina lorong dalan ku kamar e, gedangna telu meter,
2belangna lima meter. Dingdingna si arah kawes ras kemuhen kapalna dua setengah meter. Jenari isibarina Ingan si Badia e, gedangna duapuluh meter, belangna sepuluh meter.
3Kenca bage bengket ia ku bas kamar si arah bas. Isibarina lorong dalan ku kamar e; gedangna sada meter, belangna telu meter, janah dingdingna si arah kawes ras kemuhen kapalna telu setengah meter.
4Kenca bage isibarina kamar e; tempasna empat segi, gedangna ras belangna sepuluh meter. Kenca bage nina man bangku, "Enda me Ingan si Badiana kal."
Kamar-kamar si ibahan i bas tembok Rumah Pertoton
5Kenca bage isibarina ka tembok Rumah Pertoton e si arah bas; kapalna lit telu meter. I bas tembok e, i sekelewet Rumah Pertoton, lit kamar-kamar, belangna dua meter.
6Kamar-kamar enda ndai ertingkat telu, janah i bas tep-tep tingkat lit telu puluh kamar. Erkiteken tembok si arah darat i bas Rumah Pertoton e reh nipesna i bas tep-tep tingkat, emaka kamar-kamar ndai banci leket i je alu la padah ngelubangi dingding Rumah Pertoton e.
7Erdandanken si e, i darat nari teridah maka tembok Rumah Pertoton e seri kapalna. I darat tembok Rumah Pertoton e, i daraten kamar-kamar ndai lit dua tangga si mbelang. Emaka banci nge inangkihi i teruh nari ku tingkat dua bage pe ku tingkat telu.
8Tembok si arah darat kamar-kamar enda ndai, kapalna dua setengah meter. Pintunna lit sada kempak kamar-kamar si arah Utara Rumah Pertoton, janah sada nari kempak kamar-kamar si lit arah Selatan. I sekelewet Rumah Pertoton e lit terasna; belangna dua setengah meter. Ganjangna i bas taneh nari lit telu meter janah seri ganjangna ras palas kamar-kamar si lit i bas tembok Rumah Pertoton e. Kelang-kelang teras e ras ruang si ipake imam-imam lit beranda sada arah kawes, sada arah kemuhen Rumah Pertoton e, belangna sepuluh meter.
9(Yeh 41:8)
10(Yeh 41:8)
11(Yeh 41:8)
Gedang si arah barat
12I tepi kesain jahen Rumah Pertoton e, lit sada gedung, empat pulu lima meter gedangna, janah belangna telu pulu lima meter, kapal tembokna kelewet dua setengah meter.
Gedang ras belangna Rumah Pertoton
13Kenca isibarina dilaki ndai Rumah Pertoton e, gedangna lit lima puluh meter. I pudi Rumah Pertoton e nari seh ku tembok si arah pudi gedung si arah kenjahe ndai, lit lima puluh meter.
14Bagin Rumah Pertoton e si arah lebe si ngala ku kenjulu rikut ras kesain si arah kawes ras kemuhenna, belangna lit lima puluh meter.
Bagin-bagin Rumah Pertoton
15Bagin-bagin si arah lebe Rumah Pertoton, Ingan si Badia, bage pe Ingan si Badiana kal,
16kerina ilapisi alu papan, mulai i bas lante nari terus ku jendelana. Jendela-jendela e banci itutup.
17Bagin dingding si arah bas Rumah Pertoton, mulai i bas pintun nari ku das, kerina ilapisi alu ukiren gambar-gambar.
18batang kurma ras kerubim pegancih-gancih. Kerubim ndai dua ayona,
19sada bagi ayo jelma ngala kempak batang kurma si arah kawes, janah sada nari bagi singa ngala kempak batang kurma si arah kemuhen. Ukiren gambar-gambar ndai lit i bas Rumah Pertoton e kerina,
20mulai i lante nari terus ku babo pintun.
21Tiang-tiang pintun Rumah Pertoton e tempasna ersegi empat.
Batar-batar kayu
I lebe-lebe Ingan si Badiana e kal, lit i je sada tempasna bagi
22batar-batar kayu. Ganjangna sada setengah meter ras belangna sada meter. Binangun persukina, alasna ras dingdingna kayu kerina. Nina dilaki ndai man bangku, "Enda me meja si lit i adep-adepen TUHAN."
Pintun Rumah Pertoton kerina
23I ujung lorong dalan bengket ku Ingan si Badia e lit sada Pintun, bage pe i bas lorong dalan bengket ku Ingan si Badiana e kal.
24Pintun e erbelah i tengah.
25I bas Ingan si Badia e iukir gambar batang kurma ras rubia-rubia si erkabeng, bali ras si lit i bas dingding e. I lebe-lebe dalan bengket ku Ingan si Badia e, lit ampang-ampang kayu.
26Arah kawes ras kemuhenna lit jendela, janah dingdingna ihiasi alu gambar batang kurma.