Alkitab Mobile SABDA
[VER] : [KARO]     [PL]  [PB] 
 <<  Zakharia 12 >> 

Kota Jerusalem ipulahi denggo

1Enda me kata TUHAN kerna Israel, TUHAN si ngkimbangken langit, si nepa doni, dingen mereken kegeluhen man manusia. Nina,

2"Kubahan Jerusalem desken segelas anggur; bangsa-bangsa sekelewetna nginemsa, jenari minter mbewat-mbewat desken kalak mabuk. Janah kenca ikepungna Jerusalem, kota-kota Juda si debanna pe ikepung ka.

3Tapi adi nggo seh pagi paksana Kubahan Jerusalem desken batu si mberat; kasa bangsa si ncubakenca ngangkat batu e la banci lang suin. Kerina bangsa-bangsa doni mpersada gegehna merangi kota e.

4I bas paksa e pagi Kugunjak kerina kudana maka sengget, janah adon kerina si ngersaksa. Kuperdiateken kalak Juda, tapi kuda musuh-musuhna Kupentangken.

5Kenca bage terpuk-terpuk suku Juda ngerana i bas ukurna nina, 'TUHAN Dibata si Mada Kuasa mereken gegeh man BangsaNa si ringan i Jerusalem.'

6I bas paksa e pagi terpuk-terpuk Juda Kubahan desken api i bas kerangen tah pe i tengah juma gandum si nggo tasak -- ikernepkenna me kerina bangsa-bangsa si lit i sekelewetna. Penduduk Jerusalem tetap ringan mejuah-juah i bas kota e.

7Aku, TUHAN, leben mereken kemenangen man Juda, gelah kehamaten si ialoken kesusuren Daud ras kalak si ringan i Jerusalem ula belinen asangken suku Juda si debanna.

8I bas paksa e ikawali TUHAN kerina kalak si ringan i Jerusalem, emaka kalak si la megegehna pe bali pagi gegehna ras Daud nai. Kesusuren Daud minpin ia desken malekat TUHAN, bali ras Dibata jine.

9I bas paksa e pagi Kukernepken bangsa si ncubaken merangi Jerusalem.

10Kesusuren Daud ras kalak Jerusalem si debanna Kudemi alu kesah perkuah ate ras kesah keninggiten ertoto. Itatapna kalak si nggo itebakna, emaka ngandung ia ngidahsa bali ras pengandungi kalak anakna si tonggal. Tangis ia alu dem ceda ate bagi kalak si nangisi kematen anakna sintua.

11Tupung paksa e pagi sora ngandung i Jerusalem bali gangna ras sora ngandung tupung nangisi Hadad-Rimon i bas kendit Megiddo.

12Tep-tep keluarga i bas negeri e erceda ate alu serap-serap: keluarga kesusuren Daud, keluarga kesusuren Natan, keluarga kesusuren Lewi, keluarga kesusuren Simei, bage pe kerina keluarga-keluarga si deban. Tep-tep keluarga erceda ate alu serap-serap, janah i bas tep-tep keluarga si erceda ate serap dilaki ras diberu."

13(Za 12:12)

14(Za 12:12)


  Share Facebook  |  Share Twitter

 <<  Zakharia 12 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel