Alkitab Mobile SABDA
[VER] : [KARO]     [PL]  [PB] 
 <<  Zefanya 3 >> 

Dosa Jerusalem ras kepulahenna

1Cilaka me Jerusalem, kota si macik dingen pemberontak e, kota si nindas pendudukna jine.

2La ibegikenna TUHAN, la iikutkenna PengajarenNa. La ia ernalem man TUHAN, la ia mindo penampat man BaNa.

3Peminpin-peminpin kota e desken singa si erdengum, hakim-hakimna desken serigala si kelihen, si la nggit nadingken sempenggel pe tulan-tulan seh erpagi-pagi perban rangapna.

4Nabi-nabina la ertanggung jabab, la terteki; imam-imamna ngeliami kai si badia, dingen ipegedukna Undang-undang Dibata guna keuntungenna jine.

5Tapi TUHAN i bas kota e denga kap. IlakokenNa kai si benar dingen la pernah IdalankenNa si salah. Tep-tep erpagi-pagi la Ia lupa mereken keadilen man BangsaNa. Amin bage pe kalak jahat si lit i bas kota e la erngadi-ngadi ngelakoken si salah janah la meteh mela.

6Nina TUHAN, "Nggo Kusasapken kerina bangsa-bangsa; nggo Kukernepken kota-kotana dingen tembok-tembok ras menara-menarana Kuradasken. Kota e nggo melungen; pasar-pasar nggo lume lanai lit si tading i je.

7Kuakap kin maka kenca bage mbiar bangsangKu man bangKu dingen ialokenna pengajarenKu, janah dingen pe lanai ia lupa pengajaren si Kuajarken man bana. Tapi kepeken minter ia lupa, janah lagu langkahna seh macikna bagi si nggo-nggona."

8"Timailah," nina TUHAN. "Timailah seh warina Aku keke jadi saksi ngaduken bangsa-bangsa. Nggo Kutetapken mpepulung bangsa-bangsa ras kerajan-kerajan, gelah inanamina uga sangatna rawangKu. Kerina doni kernep erkiteken api pernembeh ateKu.

9Kenca bage Kusambari me cakap bangsa-bangsa jadi cakap si badia, janah man bangKu saja ngenca ia ertoto, lanai man dibata-dibata si deban. Kerina ia ngikutken Aku.

10I bas negeri Sudan si ndauh e nari pe bangsangKu si merap maba persembahen man bangKu.

11I bas paksa si e pagi, kam o bangsangKu, lanai perlu mela kerna kam nai mberontak man bangKu. Kupelawes kerina kalak megombang dingen meganjang rukur, janah ndigan pe lanai kam mberontak man bangKu i das delengKu si badia e.

12Kutadingken i je ringan kalak musil dingen meteruk rukur, si nggit reh man bangKu mindo penampat.

13Kalak Israel si tading denga la nggit erbahan salah man ise pe, la ia ernubuat man ise pe, dingen la icubakenna nipu. Teneng dingen senang iakapna, janah la ise pe ia mbiar."

Ende-enden keriahen

14Rende dingen ersurak meriahlah, o kalak Israel! Meriahlah alu bulat ukurndu, o Jerusalem!

15TUHAN nggo ndungi ukumenndu; nggo IpelawesNa kerina musuh-musuhndu. TUHAN, raja Israel, ras kam kap; genduari lanai perlu kam mbiar.

16Paksana reh me i ja ikataken kalak man Jerusalem, "Ula mbiar o Kota Sion! Ula bere tanndu kote.

17TUHAN Dibatandu ras kam kap; KuasaNa mereken kemenangen bandu. Ngena AteNa kam dingen i bas keleng AteNa IberekenNa bandu geluh si mbaru. Rende dingen ermeriah ukur Ia erdandanken kam,

18bali riahna ras kalak si i bas pesta." Nina TUHAN, "Kerina si suin nggo Kupepulung, nggo Kuambekken si erbahanca akapndu mela.

19Paksana nggo seh! Kuukum me si nindas kam; Kupulahi kalak si cempang-cempang, kalak si terbuang Kutaruhken mulih. Si mahanca akapna mela Kusalihken jadi kehamatenna, dingen kerina doni mujiken ia.

20Paksana nggo reh! Bangsandu si merap Kutaruhken mulih; Kubahan kam terberita i belang-belang doni, janah senang ka akapndu mulihi." Bage nina TUHAN.


  Share Facebook  |  Share Twitter

 <<  Zefanya 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel