Alkitab Mobile SABDA
[VER] : [MADURA]     [PL]  [PB] 
 <<  Mazmur 124 >> 

1Nyanyeyan ziyarana Daud. Baramma saompamana PANGERAN ta’ nolonge sengko’ ban ba’na? He Isra’il, mara nyaot kantha reya:

2"Saompamana PANGERAN ta’ nolonge sengko’ ban ba’na e bakto sengko’ ban ba’na eserrang moso,

3tanto sengko’ ban ba’na la padha eontal dhi’-odhi’, lantaran atena moso se panas ta’ ekenneng ampet;

4tanto sengko’ ban ba’na la eanyo’ banjir, lem-kellemman e dhalem aeng;

5tanto sengko’ ban ba’na la tasellem e dhalem aeng se gilina talebat santer."

6Mara padha asokkor ka PANGERAN, se ta’ ngedine moso mamosna sengko’ ban ba’na.

7Sengko’ ban ba’na reya padha ban mano’ se ngenneng buru dhari pekadda panganjur, pekadda pegga’, sengko’ ban ba’na bebas!

8Partolongan se etarema sengko’ ban ba’na asalla dhari PANGERAN se abadhi alam dunnya.


  Share Facebook  |  Share Twitter

 <<  Mazmur 124 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran