Dual PanelNahéng Data Yahudi Agu Junggu De Mori Keraéng
1Émé nggitu gi, apa nahéng data Yahudi agu apa betuan sunat?
2Do kéta nahéng agu do kéta betuan. Laring cain kéta: Ai oné isé kéta imbin curup de Mori Keraéng.
3Jari, co’o gi, émé oné mai isé manga ata toé junggu, ngancéng toé junggu disé hitu pandé toé junggu kolé Mori Keraéng?
4Toé ngancéng! Ngot: Mori Keraéng hitu molor, maik sanggén manusia ata nggopét, ného manga tulis: “Kudut Ité tu’ung-tu’ung molord oné sanggéd curup Dité, agu ontong émé Ité hena le beté-bicar.”
5Maik émé ali toé molor dité toi molor de Mori Keraéng, apa ata kudut ngancéng curupn lité? Asa toé agiln Mori Keraéng émé Hia toto rabon? – (curup daku ai aku manusiak).
6Toé ngancéng! Émé nggitu gi, co’oy Mori Keraéng ngancéng beté-bicar lino ho’o?
7Maik, ali nggopét daku molor de Mori Keraéng tambang lanar latang te bong Diha, co’o tara aku beté-bicar kig cama ného ata ndékok?
8Co’o tara toé nggo’on taé dité, “Mait ga ité pandé da’at kudut tua ata di’ad?” Bo tu’ung manga loér data ata curup te ité taé nenggitu. Ata nenggitu patun te tiba wahéng.
Sanggén Taung Manusia Ata Ndékok
9Jari, co’o gi? Tu’ung kétat ité ho’o manga labid oné mai ata bana? Toé kéta manga. Ai béta hio bao, poli mangkong ata Yahudi ko ata Yunani té sanggéd taung isé wa-mai kuasa de ndékok,
10ného manga tulis: “Toé manga ata molor, cengatan koé toé.
11Toé manga cengatan koé ata manga utekn toé manga cengatan koé ata kawé Mori Keraéng.
12Sanggén ata poli wanta, sanggéd taung isé toé manga betuad toé manga ata pandé di’a, cengatan koé toé.
13Ngarek disé cama ného boa hiot lénga kin lema disé sawal mtaung wiwir disé penong le upas.
14Mu’u disé penong ali sumpa te mawang
15wa’i disé gélang latang te bowo dara.
16Renco agu ampus wécak lisé oné salang’d
17agu salang hambor toé baé lisé
18Hiang Mori Keraéng toé manga oné isé.”
19Maik baé lité te sanggéd cao-ca ata poli tulis oné Surak Taurat, latang te ata siot mosé lorong wintuk Taurat, kudut tadu néténg mu’u, wiga temu tana lino be-wa mai beté-bicar de Mori Keraéng.
20Ai toé manga cengatan ata molorn oné ranga de Mori Keraéng le pandé wintuk Taurat, ai landing wintuk Taurat pecing ndékok lata.
Mori Keraéng Tiba Manusia Le Imbin
21Maik té ho’on koném toé ali wintuk Taurat, Mori Keraéng tiba manusia, ai poli toton cama ného saka-si oné Surak Taurat agu sanggéd Kitab oné mai sanggéd nabi.
22Ngong Mori Keraéng tiba sangged manusia le imbi oné Yésus Kristus, toé manga woléngd.
23Ai sanggéd ata poli pandé ndékok agu pandé mora mengit de Mori Keraéng,
24agu ali tabing Diha poli tibad kaut Liha lut sambé oné hi Kristus Yésus.
25Hi Kristus Yésus poli petokn le Mori Keraéng lut singsara Diha, kudut ciri salang hambor latang te sanggéd ata imbi oné Hia. Ho’o pandé le Mori Keraéng kudut toto agil’N, ai Hia poli ampong kaut ndékok situt poli jarid médé du lari ngénggan nai Diha.
26Betuan Diha, nggo’o; kudut toto agil Diha oné uwa ho’o, te Hia agil agu tiba sanggéd ata imbi oné Mori Yésus.
27Émé nggitu gi, apa kéta pu’un latang te angos? Toé manga! Pu’ung ali raja apa kéta? Ali raja pandé ko? Toé, maik ali raja imbi!
28Ai pecing lami te manusia tiba le Morin ali imbi, toé ali pandé wintuk Taurat.
29Ko asa néng, Mori Keraéng hitu hanang Mori Keraéng data Yahudi kanang? Toé néng Hia kolé Mori Keraéng data uku bana? Io, tu’ung. Hia kolé Mori Keraéng data uku bana!
30Émé tu’ung ca-y kali Mori Keraéng hitu, Hia te tiba sanggéd taung ata imbi, ata sunat ko ata toé sunat.
31Émé nenggitu, ngancengk weli ami te koar wintuk Taurat méséng imbi? Toé kolé nggitu! Ngot ami pandé ndeng wintuk Taurat.