Dual Panel1Bulat kutiddou simaron ka tubudda siutéaké paamianmui. Kugalai surat néné, siripot saalei siutéaké paamian sambat siripot aku, bulat sipasiiigbuk bulat tubukku, pangoringan Kristus, sambat latsat'akenen leú et, ké atupatoiláan pulatsanan Kristus ka tubudda taikapolak. Kutiddou simaron ka tubumui,
2bulé nujago kam mungkuat biri-biri sisegéakenen Taikamanua ka kabeimui. Pasikeli kam sia ka angkat baga siripot ka siobat bagat Taikamanua, buí siubbuakenen. Samba buí nugalaiaké kam galajetmui néné, kelé pasigagabamui uktukmui, tápoi kau lé bulat sibara ka teú bagamui.
3Buí nuputuan kam tubumui ka tubudda sisegéakenen Taikamanua ka kabeimui, tápoi kau lé ibailiu kam uluietda.
4Oto ké amoian geti nia Sipasijajago Sipulubeunan, silómuian kirit purimataat simalainge, sitaimalelebbei pulatsanannia.
5Oto kisedda leú te kam ka kam alé Sasarainamai, kam sibau tubu. Kau numareddet kam ka tubudda sikebbukat. Buítá nuparepé kam paatuatmui, samba kau nupaletsei kam katubu ka repet paatuat. Aipoí ka Buko Sipunenan ai atusurat'aké kisé, "Isasaggangi lé sia Taikamanua, simabuak paatuat, tápoi ka tubudda geti simarepé paatuat, makaté bagania."
6Oto kalulut néné, kau nuparepé kam paatuatmui ka tei kabei Taikamanua simaron, bulé ibuak'aké kam ké iaili tetrenia.
7Segéaké kam sangamberinia pureuregat bagamui ka tubut Taikamanua, aipoí nia lé simatamli ka baga masipasikeli kam.
8Buítá nupanuksuk kam samba kau imatarek tubumui! Aipoi saggakmui iaté Sanitu. Ka sia néné kelé singa lé nia kaipa iobá ei; ai nia muuukkú ipunau, aigagaba sagbangennia.
9Lawan kam nia ka tonem bagamui simaron, kalulut kelé siagaimui, saaleimui leú et sabagei tai Kariten, ka sangaliot polak, kelé kam leú et rapangorik.
10Tápoi lepá nupangorik kam ka oggak siteté néné, iapeité bulat tubut Taikamanua simanuntu baga ka tubutta masisusut'aké kam ka sangamberinia. Nia té masipauudet samba masiparoron kam sambat masipababakap puririmanuamui. Aipoí nia ka sia Taikamanua, simakopé erut baga lé nia, sipasisosogai kam masipuuktungi pulatsanannia simatom, kalulut Kristus.
11Nia te sibakkat purimataat teret buru-burú! Amen.
12Akugalai suratku siteté néné ka tubumui, iaté ka paroman Silas, oniakenenku sarainangku tai Kariten simatopit. Kuobá kutubbui kam samba masipatonem bagamui ka sangamberinia sisurat'akenenku néné, iaté katuareman bulat sibulatnia, siorak ka pagalaiat panguruat katet bagat Taikamanua. Oto kau nuomet'aké kam simaron panguruat katet bagat Taikamanua néné.
13Beri leú et ka sia saalei, sisangapaamian ka Babilon, sipiliy Taikamanua leú et, segé salamra ka tubumui; samba salamnia ka sia togakku si Markus simanuntut bagakku.
14Kau nuparoro kam pasasambamui, bulat sibara ka nuntut bagamui, siripot sipuooni sasaraina tai Kariten. Bulé ibujai kam si Tuhan, kam sangamberimui, sipuoni bakkat Kristus. Hormatmai, Petrus