Alkitab Mobile SABDA
[VER] : [MEYAH]     [PL]  [PB] 
 <<  1 Tesalonika 4 >> 

1Edohuji, sis fob memef moftuftu iwa rot teinefa iwa ita iteij ah ongga ongkoska noba ongga ereita Allah odou eskeiramera rot fob. Noba onjoros mona deisef bera iwa intunggom koma rot iskusk fob. Tina ebeibeyaif memef mois rot modou efesi eteb oisouska Yesus ofoka gu iwa jeskaseda iwa itunggom mar erek insa koma odudu dokun deika ojgomuja.

2Jeska iwa ijginaga rot mar nomnaga ongga memef moftuftu oisouska Tuhan Yesus efen owesa efek gu iwa sis fob.

3Allah ontunggom iwa irek rusnok ongga rudou ebsi komowa. Noba Ofa ontunggom koma oisouska Ofa odou ejginaga rot fob. Noba Ofa odou os rot jeskaseda iwa inesiri morototuma guru.

4Noba Ofa odou os jeskaseda iwa orofosut osnok egens egens yut joug isinsa yeyin ifaga fogora yeyin ifaga ongga ebsi komowa ojgomuja.

5Iwa inockahta rot rujager era runer enjgineg guru. Jeska rusnok ongga runougif gu Allah guru bera rita mar erek koma ojgomuja.

6Jefeda didif dagot skoita iwa oida inotunggom mar ongga oska rot yeyin ihujir fogora inockahta rot rerin ruhoner tein erek koma jinaga guru. Memef meyahehir joug iwa rot mar insa koma sis fob. Jeska Tuhan Allah omofra mar okum eteb keingg rusnok nomnaga ongga rita mar erek koma si.

7Jeska Allah onotunggom rusnok jeskaseda risiri morototuma erek koma guru. Tina Ofa ontunggom rusnok jeskaseda riker gij riteij ah rot rudou ongga ebsi komowa ojgomu.

8Jefeda idu ongga okoja mar ongga memef moftuftu insa koma fob, beda koma erek ofa okoja Allah oga ojgomu. Allah bera ongga eita Efena Ebsi gu rusnok.

9Iwa idou omokorema ojgomu jeni erek Allah esinsa omftuftu gu iwa fob, jefeda enadaij nou memef moftuftu iwa rot mar insa koma deika guru.

10Noba iwa idou okora rot yeyin ihujir nomnaga ongga ringker gij monuh Makedonia tein. Tina memef mois gu iwa jeskaseda idou okora rot rua odudu dokun deika ojgomuja.

11Iwa yuh idou efesi rot ahais ojgomu jeskaseda iker gij yeyin iteij ah kef rot eskeiramera ojgomuja. Noba iwa inoromohohuma jera rusnok enjgineg rerin mar ongga ebireira guru. Tina ongga oufamofa bera ifarur gij isinsa yeyin mar ojgomu. Noba idou eneskes rot mar ongga imfarur gij guru, tina ifarur rot ahais ojgomu. Memef momftuftu iwa rot mar insa koma sis fob.

12Jefeda iwa itunggom mar erek koma jeskaseda rusnok ongga runororu Yesus guru rumougif gu iwa rot, noba iwa inoisum gij rusnok enjgineg rot mar tein guru.

13Edohuji, memef modou os jeskaseda iwa tein ijginaga rot osok gij rusnok Kristen ongga ranggos fob. Beda idou onoubsaha rot rua insa koma deika guru. Jeska rusnok ongga runoisum gij Yesus guru bera rerin rudou osumsumu rot rusnok ongga ranggos fob. Jefeda rua ribisa rot rusnok insa koma ojgomuja.

14Mimif mudou ororu rot tenten oida Yesus anggos noba efena ebah sons fob. Jefeda mimif mudou ororu rot tenten oida Allah omofra Kristen nomnaga ongga ranggos fob fogora rumororu Tuhan Yesus gij mona ongga Ofa ongksons en si.

15Tuhan Yesus esinsa anggot rot mar insa koma sis fob. Jefeda ebeibeyaif memef magot gu iwa tein rot oida, rusnok ongga rifena ebah gij mona ongga Yesus Kristus ongksons en fob bera runokag rot rua ongga ranggos fob guru. Tina rua ongga ranggos fob bera rumokag rot mimif ojgomu.

16Gij mona insa koma malaikat egens ongga ofoka aksa bera emagerir mar rot oga eteb. Beda rusnok rimeg mar egens erek manghi mei oga. Beda Tuhan omojuj jeska mebaga gu mebif. Beda rusnok ongga ragos gij mona ongga rua ruroru Yesus fob bera rimedebecki jeska ranggos rot sismeni.

17Beda mimif ongga mifena ebah ros gij mona insa koma bera mumosok jah mebaga fogora mimif nomnaga mumorodosu Yesus gij mocgoj ofog tein. Beda mimif miker morototuma jera Tuhan nou mona ongga ah aibin ojgomuja.

18Erek koma jefeda iwa ira oga insa kef iremeisisi joug moguma ojgomu.


  Share Facebook  |  Share Twitter

 <<  1 Tesalonika 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel