Alkitab Mobile SABDA
[VER] : [MEYAH]     [PL]  [PB] 
 <<  Ibrani 5 >> 

1Imam-imam jeska rusnok ongga Yahudi bera erek rusnok giskini ojgomu. Noba sis fob bera Allah oncunc rua jeskaseda rut deismos nou rusnok enjgineg skoita Ofa. Imam-imam rumorka mar jeskaseda rimeita gu Allah. Beda rua ris mah gij marska erek mar ongga rurougif gu Ofa. Beda Ofa osuna rot rusnok enjgineg koma rerin mar ongga oska.

2Noba imam-imam insa koma bera rufij rusnok ojgomu. Jeska rusnok bera rutunggom mar ongga oska rot rudou ongga osumsumu ojgomu noba rua ringkikif jeska Allah tein. Tina imam-imam koma rufij rusnok insa koma rot rudou ongga eskeira ojgomu. Jeska rua rijginaga rot oida rua tein rerin rudou ongga eriaga noba ongga runtunggom mar ongga oska morototuma erek rusnok insa koma tein.

3Jefeda rua ris mah gij marska insa koma skoita Allah nou risinsa rerin mar ongga oska sismeni fog. Beda rua rutunggom mar erek koma juens deika rot rusnok enjgineg rerin mar ongga oska tein.

4Rusnok runocunc risinsa jeskaseda rija erek Allah efen imam guru. Tina Allah bera ongga ocunc rua erek efen imam-imam. Koma erek Allah oncunc Musa efen mokosa Harun erek efen imam egens sis fob.

5Erek koma tein, Yesus onofra esinsa ofoka aksa fogora eja erek imam egens tein guru. Tina Allah oncunc Ofa efek imam egens gij mona ongga Ofa anggot gu Yesus oida, "Deisef Didif dagot rot tomnomna oida Bua bera dedin edesa noba, Didif bera bebin mekeb."

6Noba gij mar egens ongga enjgineg bera Ofa agot rot Yesus oida, "Didif ducunc Bua erek dedin imam egens morototuma erek dedin imam egens ongga ofoka Melkisedek."

7Gij mona ongga Yesus engker gu mebif ros, beda Ofa om eiteij rot ahais gu Allah askesi efen odou okumkum rot mar ongga ah keingg Ofa. Ofa om eiteij erek koma jeskaseda Allah omofij Ofa rot mar ongga okum insa koma. Noba Allah omfij Ofa rot, jeska Ofa bera osnok egens ongga ougif gu Allah rot tenten ojgomu.

8Ofa bera Allah efen efesa. Tina oisouska mar okum ongga angh keingg Ofa bera Ofa eita odou ongga ebriyi gij rot teinefa Ofa ougif gu Allah rot efen oga ojgomuja.

9Noba gij mona ongga Ofa ontunggom mar nomnaga ongga Allah ombk Ofa rot erek oisa fob, beda Ofa esma ofoka ongga aksa eteb ekirsa jeska mar nomnaga. Jefeda Ofa efen owesa efek ongga adaij nou oskotu rusnok nomnaga ongga rugif gu Ofa rot efen oga tein.

10Erek koma beda Allah oncunc Ofa erek imam egens morototuma erek Allah efen imam egens ongga ofoka Melkisedek.

11Memef modou os moftuftu iwa deika osok gij mar insa koma, tina koma bera okum nou memef, jeska iwa idou enebriyi gij mar insa koma erek eteb enesi.

12Erek koma tina iwa inroru Yesus Kristus efen oga erek dektek fob. Jefeda memef mosujohu rot oida adaij nou iwa yuftuftu rusnok enjgineg rot mar insa koma nomnaga, tina guri. Jeska iwa idou os oida memef moftuftu mar ongga erek osufou rot Allah oga gu iwa deika sons ojgomu. Koma erek rusnok ongga rita mengk gu osnok egens ongga orna fob jeska enadaij nou ofa et marska enesi.

13Jefeda rusnok ongga ruroru Yesus Kristus rot dektek fob, tina rudou onororu Efena Ebsi Allah rot tenten enesi, beda rua rinejginaga jeni rot mar meidu ongga oufamofa jera mar meidu ongga erek oska tein enesi.

14Tina rusnok ongga rufokor gij Allah efen oga fob, noba ongga ruroru Efena Ebsi Allah rot tenten fob, rua bera ongga rijginaga jeni rot mar meidu ongga oufamofa jera mar meidu ongga oska tein.


  Share Facebook  |  Share Twitter

 <<  Ibrani 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel