Alkitab Mobile SABDA
[VER] : [MONGONDOW]     [PL]  [PB] 
 <<  1 Korintus 3 >> 

1Utatku mita, sabanarnya aku'oi in diaíbií mota'au moyosingog takin monimu naonda bo takin intau mita inta ain kinawasa'an Roho i Allah. Sim mo'ikow nion diaípa motoindudui ko'i Allah bo diaípa doman noguyang im pirisaya monimu ko'i Kristus.

2Kolipod mo'ikow tongaípabi pinoka'ankumai ing ka'anon adií mo'intok, de'emanpabií ka'anon intau inta noguyangdon sin diaípa mo'ikow mokomampu im moka'an kon natua. Ta'e uma'aipa doman masa in tana'a natuapa doman im mo'ikow,

3sim mo'ikow tantuípabií doman dinumudui kon tabiatmu saḷaku intau. Sin aka oyuíonpa doman in o'intoian bo yogenggeng kon sigad monimu, yo mangalenya kon tua mo'ikow in dumuduipabií kon tabiat in intau, naí intau inta diaí nonota'au ko'i Allah.

4Aka oyuíonpa doman kon sigad monimu im mosingog kon, "Kami dumudui i Paulus," bo ibanea doman moguman, "Aku'oi in dumudui i Apolos," oaíid tatua naonda bo oaíid in intau inta diaí nonota'au ko'i Allah.

5Sabanarnya ki inebií ing ki Apolos andeka ki Paulus tua? Baí kota'auan monimu, kami na'a in tongaíbií intau mita inta nogaid kon oaíidan i Allah inta mopoyaput in Habar Mopia ko'i monimu simbaí mopirisayadon im mo'ikow ko'i Kristus. Kami na'a in tongaíbií mopobayak in oaíidan inta pinoki aid i Tuhan ko'inami.

6Aka ibarat pinomuḷa, aku'oi in nomuḷa bo ki Apolos in nomuta-mutak, ta'e ki Allahbií in nobogoi ing kobiagan.

7Manangka intua ki Allahbií im moponti-ponting, sin Sia mobogoi ing kobiagan. Ki inta nomuḷa bo ki inta nomuta-mutak, diaíbií totok moponting;

8notongkaibií in taya dua tua, tongaíbií tumpaḷa motarima kom boli in ḷopií monia.

9Kami na'a in tongaíbií tumpaḷa mogaid kon onu in pinoki aid i Allah; bo mo'ikow nion naonda bo gobaí i Allah. Mo'ikow naonda doman bo baḷoi i Allah.

10Lantaran kapandoian inta inogoi i Allah, daí aku'oi naonda bo intau inta nononta'audon totok kom pogogaid kom bangunan tatua. Munadon nogaid kom pondasi sim popolituían im bangunan tatua, bo intau ibanea mamangoi moposindog im bangunan kom pondasi tatua. Pomuḷoi intau mustibií monarukira muna mongo naonda im mopolituí im bangunan kom pondasi tatua.

11Tongaíbií ki Kristus in sinampat i Allah mobalií pondasi kom bangunan tatua, diaíbií im pondasi ibanea makow.

12Ta'au bidon kon tobatuí bo tobatuí mongo bangunan naonda im posindogonnya. Bangunan inta inaidankah nongkon buḷawan, andeka inaidan nongkon perak, andeka nongkon batu permata, andeka nongkong kayu, andeka nongkon bonok no'ingkag, andeka nongkon pangkoi im payoi.

13Bayongan onu inta inaidan in intau modaitbií ko'ontongan wakutu ing koaíngoian bui i Kristus. Sing kowakutu intua tuḷubií im mopo'ontong kom bayongan inta inaidan in intau. Tuḷubií im moguji bo monantuí kom mopia andeka diaí in oaíidan mita tatua.

14Aka bangunan inta pinosindog kom bangunan tatua bo diaí mopokak, yo intau tatua im motarimabií kom boli onu inta inaidannya tatua.

15Tongaí aka mopokak, yo morugi totok in sia; mosaḷamatbií in sia ta'e naondabo intau inta no'iḷuai nongkon bonu in tuḷu.

16Degaí diaí kinota'auan monimu kon awak monimu nion im Baḷoibií i Allah inta pinogutunan in Roho-Nya?

17Aka oyuíon im momogutuí kom Baḷoi i Allah, yo pogutuíonbií doman i Allah in intau tatua. Sim Baḷoi i Allah in tongaíbií Baḷoi-Nya tontanií, bo mo'ikowbií nion im Baḷoi i Allah inta imakusud na'a.

18Dona'ai tobatuímai im monguboḷ kon awaknya tontanií. Aka oyuíon ing kon sigad monimu im monganggap mobijaksana in sia podudui in raian intau, yo intau tatua im mustibií tumekeng bodok, simbaí totu-totu'u mobalií mobijaksana in sia.

19Sing kabijaksana'an in intau kon dunia na'a diaíbií baraguna ko'i Allah. Kom bonu im Buk Mosuci pinais nana'a, "Ki Allah mojebak kon intau mita inta mongobijaksana podudui im pandoinya tontanií."

20Bo oyuíon doman im pinais nana'a, "Kinota'auanbií i Tuhan kon raian intau mita inta mongobijaksana diaíbií baraguna."

21Tuamai in dikabií moduií kon intau, sim bayongan yagi-yagi nodait bidon inogoi ko'i monimu.

22Ki Paulus, ki Apolos, ki Petrus, dunia na'a, kobiagan bo kopatoian, masa in tana'a andeka kon singgai mo'iduduimai na'a, bayongan yagi-yagi ing kapunya'anmu bidon.

23Ki togi ko'i monimu nion ing ki Kristusbií, bo kitogi ko'i Kristus ing ki Allahbií.


  Share Facebook  |  Share Twitter

 <<  1 Korintus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran