Alkitab Mobile SABDA
[VER] : [MONGONDOW]     [PL]  [PB] 
 <<  1 Timotius 1 >> 

1Timotius, adiíku kom bonu im pirisaya ko'i Tuhan! Surat tana'a nongkon inakoí, ki Paulus inta nobalií rasul i Yesus Kristus podudui in ibog i Allah inta mopoposaḷamat naton, bo podudui im parentah i Yesus Kristus oaíndoḷan kobiagan naton. Po'igumon makow tua, ki Allah ki Amaí naton bo ki Yesus Kristus, ki Tuhan naton umuran mobogoi im barakat, totabi bo kobiagan motompia ko'inimu.

2(1:1)

3Wakutu in akuíon mayakdon im Makedonia, pinakisakudon ikow simbaí umuranpa mogutun kon Epesus. Kon tua ikow mayak mononggina kon intau mita inta motunduímai kon soaáḷ mita inta nongo'itaḷaí, simbaí gogaiandon monia in aid mita naí tatua.

4Poguman ko'i monia kon dona'aibií tongaí umuran monarukiramai kon o'uman mita inta diaí totu'u bo soaáḷ o'uman kinobaliían inta diaí ing gogainya. Tua komintan tongaíbií mokopomukaí kon ropatoi inta diaí im baragunanya bo de'emanbií inta mokobiag motompia podudui ing kasaḷamatan inta inogoi i Allah kon intau inta mopirisaya ko'i-Nia.

5Aku'oi mononggina nana'a simbaí intau kopakeíandon ing gina modarit motulid bo totu-totu'udon mopirisaya ko'i Tuhan, sahingga oyuíondon totabian kon tumpaḷa intau.

6Sin oyuíon intau in diaídon nobiag natua, bo dongkadon tantuí mobobayowan kon soaáḷ inta diaí im baragunanya.

7Mosia tua inta mo'ibog totok mobalií mototunduí kon hukum i Musa padahaḷ mosia tontanií diaíbií doman momangale kon onu inta siningog ande sinunduí monia tua.

8Kinota'auan bidon naton kon hukum i Musa tua im mopirabií aka aidan podudui kon onu inta sinunduí.

9Tantuí mustibií kota'auan naton kon hukum i Musa pinomia de'emanbií pinopomakusud kon intau mita inta mopia, ta'e ko'i moniabií inta mo'ibog momaḷawang kon hukum, ko'i monia inta mora'at, ko'i monia inta diaí mopirisaya ko'i Tuhan, ko'i monia inta umuran mogaid kon inta no'itaḷaí, ko'i monia inta tongaí umuran morai kon in dunia na'a, ko'i monia inta diaí nonota'au in agama, ko'i monia inta moḷolimod kong guyanga ḷoḷaki bo bobay, bo inta kino limo-limodea kon intau.

10pinopomakusud doman ko'i monia inta mokotor in oaíid, ko'i monia inta mongibog kon tumpaḷa ḷoḷaki, ko'i monia inta banselang, ko'i monia inta mongo uboḷ bo ko'i monia inta umuran mongonguman kon diaí totu'u, bo oaíid mita inta diaí kino ibog in totunduí inta mobanar.

11Totunduí tatua pinaisdon kom bonu in habar mopia inta pinoki poyaput magií-makow i Allah ko'inakoí, tuata in Habar Mopia inta nongkon i Allah inta moḷoben bo inta patus dayowon.

12Aku'oi mosukur ko'i Kristus Yesus Tuhan naton, sin aku'oi inogoian-Nyadon in ropot mogaid kon oaíidan-Nya, bo inanggap-Nyadon aku'oi patus pokiaíidan in oaíidan tatua,

13umpakahbií tungkuḷ intua aku'oi na'a umuran moponapud in diaí totu'u bo momogutuí poḷat doman moningkule ko'i-Nia. Ta'e sinotabibií i Allah in aku'oi, sin dodai intua aku'oi diaípa mopirisaya, sahingga in diaíbií kinota'auanku onu im pinomiaku tatua, no'itutui ande no'itaḷaí.

14Bo moḷobenbií totok in totabi i Tuhan naton ko'i nakoí. Inogoian-Nya aku'oi im pirisaya moḷoben bo tabi kon tumpaḷa intau inta ain notobatuí i Kristus Yesus.

15Totu'ubií in singog tana'a, tuamai patusbií tarima'an bo pirisaya'an komintan: "Kong ki Kristus ain namangoi in dunia na'a sim moposaḷamat kon intau baradosa." Bo aku'oibií na'a in intau inta totok im binaradosa bo inta totok doman im mora'at.

16Ta'e lantaranbií ka'ada'anku natua, daí sinotabi i Allah in aku'oi bo baí monyatadon ing kososabar i Kristus Yesus ko'inakoí, intau inta totok im binaradosa. Bo na'adon im mobalií dodayanan kom bayongan intau inta aka mopirisayadon ko'i-Nia bo inta moko'ulií kong kobiagan mopia bo mononoi.

17Ki Allahbií tua in Raja inta nongkon pinomangkoianmai modapot ing kopaḷutan dunia na'a, inta patus hormaton bo dayowon sin tongaíbií Sia in Allah inta mononoi, inta diaí ko'ontongan bo inta totobatu! Amin.

18Timotius, adiíku! Oaíidan tana'a inogoiku ko'inimu pinodudui kong koyow i Allah inta aim pinoyaput in nabi mita kon jama'at soaáḷ ikow. Baliídon baḷunmu ing koyow i Allah tatua mogaid kom bayongan oaíidan inta mopia. Poramiji totu-totu'u takin umuran kumadai kon inta mo'itutui bo pakeí ing gina motulid bo modarit.

19Sin oyuíondon intau inta doiídon dumudui kon ibog ing ginanya inta mopia bo modarit, sahingga in nogoguya'atdon im pirisaya monia.

20Kon sigad monia tua ing ki Himeneus bo ki Aleksander. Taya dua tua pinosarakankudon kon Ibilis, simbaí mosia mobalajardon mogogai mohujat ko'i Allah.


  Share Facebook  |  Share Twitter

 <<  1 Timotius 1 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2022
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran