Alkitab Mobile SABDA
[VER] : [MONGONDOW]     [PL]  [PB] 
 <<  2 Petrus 2 >> 

1Kolipod kon sigad umat i Allah, oyuíondon in intau mita inta mongaku nabi, ta'e de'emanbií im mosia tua totu'u nabi. Natuabií doman im mobalií kon sigad monimu, mo'iangoibií intau mita inta mongaku guru, ta'e onu inta tunduíon monia tua in diaíbií totu'u. Mosia motunduí kon uboḷ, sahingga intau inta mopirisaya ko'i monia moko'ulií kon hukuman. Bo mosia tua diaí mopirisaya kom mongonguasa inta ain nopobebas ko'i monia. Aid monia natua mokobodito ko'i monia tontanií, bo tua diaídon mo'onggot im mo'iantug ko'i monia.

2Ta'e umpakah natua, yo mobayongpa doman in intau dinumudui kong kobobiag in intau mita inta de'eman totu'u guru inta kinawasa'andon ibog in awak monia. Aid monia tatua totok mokopopisií kom mobayong in intau moningkule kon Daḷan Mobanar inta mopobayak ko'i Allah.

3Lantaran mosia motama'a, daí intau mita inta de'eman totu'u guru tua mongonguman ko'inimu in o'uman mita inta tongaí ai-aidan monia tontanií simbaí kouliían monia kong ka'untungan im mo'ikow. Ta'e baí kota'auan monimu, pongadilan inta mopoḷabuí in hukuman ko'i monia tua no'onggot bidon sinadia, bo koyoyangan inta ain sinantuí ko'i monia mogoḷat bidon makow.

4Malaekatpa mita inta nogaid kon dosa, diaíbií doman pinilatan i Allah nongkon hukuman. Mosia tua komintanbií doman pinogonag kon naraka. Mosia pinobonu kon irang inta mosindip sim pogoḷa-goḷatan kon singgai ponantuían.

5Natuabií doman im pinomia kon dunia tungkuḷ intua, diaíbií pinomayak makow i Allah kotaliban in hukuman. Pinoaíngoi i Allah in ḷunud moḷoben totok kon dunia in intau mita mora'at tungkuḷ intua. Tongaíbií ki Nuh takin intau pitu ibanea im pinosaḷamat i Allah, sin sia in nopota'au in habar soaáḷ kobobiag inta mokosanang kong gina i Allah.

6Naí doman kotaí in Sodom bo Gomora, nodait i Allah sinubaí ing kotaí mita tatua simbaí mobalií contoh kon onu inta mobalií kon intau mita inta mora'at.

7Ta'e ki Lot im pinosaḷamat sin sia in dinumudui kon singog i Allah; mororiga totok ing ginanya sin umuran moko'ontong kon aid mita mokotor inta pinomia in intau mita inta moromuí.

8Saḷaku intau mopia inta nobiag kon yuaí-yuaík in intau mora'at natua, moaíjar totok ing gina i Lot sim pomuḷoi in singgai umuran moko'ontong makow kon intau mita inta mongoromuí tatua.

9Daí kota'auanbií i Tuhan im moposaḷamat kon intau mita inta dinumudui kon ibog-Nya aka mosia koaíntugan in soba'an mita. Bo kota'auanbií doman i Tuhan motaguí kon intau mita inta mora'at sin sikisa'an kon Singgai Ponantuían,

10torutama intau mita inta tantuí dinumudui kon ibog in awak monia inta mokotor bo inta moningkule kong kakuasa'an i Allah. Naí domai tua ing kobobarani monia bo kokaḷakuang in intau mita inta mongaku guru mita tatua, sahingga in diaíbií mo'ondo-ondok im mosia moningkule kom mahaḷuk mita in soroga inta momulia.

11Padahaḷ umpakah malaekat mita inta mongoropot bo inta kokawasa no'iliu ko'i monia tua yo diaíbií kobalií im mopoyagi-yagimai kon singog kom bayongan mahaḷuk mita tatua kon tayowon i Allah.

12Ta'e aid intau mita tatua mo'iliudon totok! Mosia tua naonda bo mahaḷuk inta pinononggadií sin domokon bo limodon. Mosia tua diaíbií morai, tongaíbií mogaid podudui in onu inta kino ibog monia aidan, sahingga onu inta diaí kinomangalean monia totokdon in singkuleon monia. Daí oaíid bidon monia tontanií im mokobodito ko'i monia tua naonda bo mahaḷuk mita inta mongoromuí.

13Saḷaku tontulií in aid monia inta mongoromuí tua, yo mosia im mokorasabií kon roriga. Aka ko'i monia yo soaáḷ mita inta mokosanang kong gina monia im mogaidbií kon onukabií kon wakutu in singgaipa sim mopopuas kon ibog in awak monia. Aka mosia limituí moyotakin monimu kon rame bo monga'an moyotakin, yo oaíid monia tua mokobuí lantaran mosia moḷoḷangu in ibog awak monia.

14Mosia tua diaíbií mogoga-gogai mogaid kon dosa, bo totok mo'ibog im mosia motayak kom bobay inta monakaḷ. Bo intau mita inta diaípa noroton im pirisaya monia modait tongganutan monia. Gina monia tua no'ibiasa bidon moturaí. Mosia tua im binutung bidon!

15Lantaran mosia bo doií dumudui kon onu inta no'itutui, daí no'iḷangkamdon im mosia. Mosia dinumuduidon ko'i Bileam ki adií Beor tungkuḷ intua. Ki Bileam na'a mo'ibog totok tondanan simbaí mogaid kon inta mora'at.

16Tongaí sia noko'ulií kom poringatan lantaran oaíidnya mora'at tatua, wakutu intua keledainya nosingog naonda bo intau. Daí nabi tatua pinakisa baí mogogaidon mogaid kon oaíidannya inta nobundai tatua.

17Mototunduí mita kon inta diaí totu'u tatua naonda bo bokakak inta no'ingkagdon, bo naí doman onda bo goḷom inta inirup in tompot moropot. Mosia aim bidon pinosadia'an i Allah kon tampat inta mosindip totok, tampat pohohukuman.

18Mosia umuran mopodandi in uboḷ mita bo inta diaí baraguna. Ibog monia inta mokotor totok tatua pinakeí monia mopoyaying ko'i monia inta bagupa nopirisaya ko'i Tuhan.

19Mosia mita tatua mopodandi ing kasaḷamatan kon intau ibanea, padahaḷ mosia tontanií ain nobalií ki ata in oaíid mita inta diaí mopia inta mokogoguya'at kon intau. Sin aka tobatuí intau bo sinaḷowdon in tobatuí kawasa daí sia mobalií bidon ata ing kawasa inta nokotaḷow ko'inia tua.

20Intau inta nonota'audon ko'i Tuhan bo ko'i Mopoposaḷamat naton ki Yesus Kristus, yo sia tua in no'ipilatdon nongkon kawasa mita in dunia na'a inta mokokotor kon intau. Ta'e onda intua sia buidon nogaid kon inta mora'at, daí oaíid in intau tatua mo'iliu bidon totok kong kora'atnya inta muna.

21Manikah intau mita natua diaídon dodai onda nonota'au kon onu inta no'itutui inta sinunduí i Tuhan daripada nonota'audon ta'e doiíbií dinumudui kom parentah-Nya mita inta aim pinota'au ko'i monia.

22Singog mo'iduduimai na'a noyoka'an totok in oaíid monia tua, "Ungkuí moka'anbií bui kon totukanya, bo bokeí inta ain iningguían kinodarit buibií doman in sia mayak ḷumobong kom bonu in yonak."


  Share Facebook  |  Share Twitter

 <<  2 Petrus 2 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel