Alkitab Mobile SABDA
[VER] : [MONGONDOW]     [PL]  [PB] 
 <<  2 Timotius 4 >> 

1Ki Kristus Yesus im mamangoi bui kon dunia na'a sim monantuídon kon taḷaí in intau mita inta nobiagpa bo inta aim minatoi. Bo mamangoidon in Sia momarentah saḷaku Raja. Tuamai kon tayowon i Allah bo i Yesus Kristus, po'igumonkudon totok ko'inimu.

2Simbaí ikow umuran mo'ibog mopota'au in Habar Mopia inta nongkon i Allah, bo po'igum ko'i monia simbaí mo'ibog mokidongog, mopia andeka diaí mopia i wakutunya. Popoyakindon in intau, bo poguman onu inta no'itaḷaí, bo umuraibií iropotai im mosia. Mokoposabar im motunduí ko'i monia.

3Sim mo'iangoibií in wakutu intau doiídon motarima kon totunduí inta mo'itutui. Mosia dongkadon umuran dumudui kon ibog monia tontanií. Tuamai mosia mosipundon kong guru mita podudui in ibog monia simbaí motunduí doman kon onu inta mokosanang kom bongoḷan monia.

4Mosia in doií bidon mokidongog kon totunduí inta no'itutui, dongka bidon mo'ibo-ibog mokidongog kon o'uman mita inta diaí im baragunanya.

5Manangka intua ule kawasa'ai ing ginamu, onukabií im mobalií. Mokoposabar aka koaíntugan in yoyiga, umurai aidai in oaíidanmu saḷaku intau inta mopopota'au in Habar Mopia tatua. Kopirabií totok im mogaid kon oaíidan inta ain inogoi i Tuhan ko'inimu.

6Aka soaáḷ aku'oi, yo na'adon i wakutu matoi saḷaku kurban ko'i Allah. Diaídon mo'onggot monaḷaímaidon kon dunia na'a in aku'oi.

7Aka naí motanding yo aku'oi in dinumuduidon totok kom portandingan nodapot kom bares pangabisan. Bo umuran in aku'oi notoindudui ko'i Kristus Yesus nodapot im pangabisan.

8Bo tana'a makow pinopo'oḷatdon makow ko'inakoí in hadiah saḷaku intau inta no'untung. Kon singgai ponantuían ki Tuhan, hakim inta moaídil totok tua moposarakan in hadiah tatua ko'inakoí. De'emanbií doman tongaí aku'oi im motarima kon hadiah natua, ta'e bayonganbií doman intau inta umuran mogoḷat makow kong koaíngoian bui i Tuhan.

9Poramiji ḷagi mamangoi ko'inakoí,

10sin ki Demas ain nonaḷaímai ko'inakoí lantaran moḷobe-ḷobenbií in tabinya kon in dunia. Sia aim minayak in Tesalonika, ki Krekes minayak ing Galatia, yo ki Titus minayakdon in Dalmatia.

11Dongkadon ki Lukas ing kotaki-takinku na'a. Tuamai andupdon ing ki Markus bo dia mangoi kon na'a sin sia mota'au pokituḷunganku pokiaíidan in oaíidanku tana'a.

12Ki Tikhikus pinotabaíkudon minayak in Epesus.

13Aka ikow mamangoi yo dia'pa im mantelku inta sinaḷaíanku kom baḷoi i Karpus kon Troas, poyodiapa doman im bukku mita, torutama buk mita inta pinomia nongkon karatas kulit.

14Ki Aleksander inta mononontaḷ kon tambaga tua, nomiadon kon inta totok in diaí mopia ko'inakoí. Tongaí tuliíanbií i Tuhan in oaíidnya tatua podudui doman in oaíidnya.

15Ikow tontanií musti mokopo'ingat totok ko'inia, sin sia totokdon im momayow kon habar inta pinoyaput naton.

16Kon wakutu in sinidang portama in aku'oi, diaí tobatuímai intau naton in noyotakinku, komintandon nonaḷaímai ko'inakoí. Ta'e po'igumonku makow simbaí diaí potaḷaían i Allah im mosia sin nogaid kon soaáḷ natua.

17Ta'e aku'oi umuranbií iḷukadan i Tuhan; bo inogoian-Nyadon in ropot in aku'oi sahingga nokosanggupdon nopoyaput in Habar Mopia tatua, simbaí kodongogan domandon im bayongan intau inta de'eman Yahudi, sahingga aku'oi no'ipilatdon nongkon onu inta mokobodito ko'inakoí.

18Totu'ubií kong ki Tuhan momilatbií ko'inakoí nongkon bayongan roncana mora'at, sahingga in diaan-Nyabií in aku'oi tumu'ot kong karaja'an-Nya kon soroga takin saḷamat. Tuamai tantubií dayow in Sia modapot ing kopaḷutan dunia na'a! Amin.

19Poyaputpa in salamku ko'i Priskila bo ko'i Akwila bo kon tombonu im baḷoi i Onesiporus.

20Masai na'a ki Erastus nogutundon kong Korintus, bo ki Tropimus sinaḷaíankudon kom Miletus sin notakit.

21Poramijidon mamangoi kowakutu in diaípa sempo in tumping. Yobayat naton ki Ebulus, ki Pudes, ki Linus bo ki Klaudia, nokipoyaput doman in salam monia ko'inimu bo ko'i monia inta tumpaḷa mopirisaya ko'i Tuhan.

22Po'igumon makow ki Allah umuran moyotakinmu bo umuran doman mobogoi im barakat ko'i monimu komintan! Hormat nami, Ki Paulus


  Share Facebook  |  Share Twitter

 <<  2 Timotius 4 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran