Alkitab Mobile SABDA
[VER] : [MONGONDOW]     [PL]  [PB] 
 <<  Kisah Para Rasul 10 >> 

1Kong Kaisarea oyuíon tobatuí ḷoḷaki, tangoinya ki Kornelius. Sia na'a itoi in "Tontara Rum".

2Intau inta totok mopia. Sia bo tombunu im baḷoinya komintan motogu'ondok ko'i Allah. Mo'ibog motuḷung kon intau mita in Yahudi inta nongobogaí bo morajing mosambayang.

3Kon singgai tobatuí, degaí jam tigadon ḷoḷabungea, inontongnya notarang in tobatuí malaekat sinumu'ot kom baḷoinya bo noku'uk ko'inia nana'a, "Kornelius!"

4Daí takin ondok, nobobui in sia kom malaekat tatua bo noḷibo', "Nongonu Tuang?" Daí malaekat tatua noguman, "Bayongan inta pino'igummu kon sambayang bo oaíidmu inta mopia kon intau mita bogaí, aindon no'iyaput ko'i Allah bo ikow umuran kom bonu ing gina-Nya.

5Tuamai tana'a makow potabaípa in intau mayak in Yope, mogoinií ko'i Simon inta donoionmai ki Petrus.

6Sia nogutun kom pintad kom baḷoi i Simon, intau inta mororubus kon kulit."

7Naonda im minayakdon malaekat inta noguman ko'i Kornelius tua, ki Kornelius nogoinií kom bobantungnya doyowa bo tontara tobatuí inta totok motoindudui.

8Naonda in ino'umannya kom bobantungnya mita tatua onu inta bagu nobalií ko'inia tua, pinotabaínyadon im mosia minayak in Yope.

9Nopo'ikoḷomai kon singgai, ko wakutu im bobantungnya mita tatua kon daḷanpa bo motoyongdon moyaput in Yope, degaí jammaidon dua belas tusinggaiannya, ki Petrus noponikdon kom baḷoi sim mosambayang.

10Sia ginogoy, bo mo'ibogdon monga'an. Bo naonda in koyogot mogoḷud kon ka'anon, dalií in sia kinawasa in Roho i Allah.

11Inontongnya ḷangit nobukat bo oyuíon in naíonda bo daing no'oḷad no'ituntun monag kom butaí, bo no'ibambeí kon opat nosudut.

12Kom bonunya noyagi-yagimai im mahaḷuk inta opat in si'oḷnya. Mahaḷuk inta ḷumanday im mayak bo ḷagapan mita inta kalig.

13Bo oyuíon in singog noguman ko'inia nana'a, "Petrus, pobangon! Dait rataí in na'a mita bo ka'an!"

14Ki Petrus notubag, "Doií aku'oi, Tuhan! Sin diaípabií dodai onda in noka'an aku'oi kon inta pinoton, andeka onu inta monajis."

15Ta'e bui oyuíon singog in dinongog noguman, "Onu inta aindon sinantuí i Allah mota'au ka'anon, dikabií anggapon monimu haram intua."

16Singog tatua kotoḷu dinongog, bo onda intua buidon no'isintak monik kon ḷangit intua komintan.

17Ki Petrus umuran korai-rai mongo onu degaí im mangale inta inontongnya tatua. Koyogot morai kon tua, bobantung mita inta pinotabaí i Kornelius, kon munamaidon ḷolingkop im baḷoi Simon.

18Bo mosia nogoinií kon intau bo noliboí, "Degaí kon na'a im pinogutunan i Simon Petrus?"

19Koyogotpa ing ki Petrus morai kon onu degaí im mangale inta inontongnya tatua, Roho i Allah noguman ko'inia, "Hei Petrus, oyuíon intau taya toḷu notayak ko'inimu.

20ḷagidon poponag bo bayakdon takin monia, dikadon mo'ondo-ondok ikow sin Aku'oibií in nopotabaí ko'i monia namangoi."

21Daí noponangdon ing ki Petrus bo noguman kon intau mita tatua, "Aku'oibií na'a inta sinayak monimu. Mamangoi mongonu im mo'ikow?"

22Daí mosia notubag, "Kami na'a namangoi sim pinotabaí i Kornelius, tobatuí itoi in tontara Rum, inta totok mopia in dodia bo motoindudui ko'i Allah bo ihormat im bayongan intau Yahudi. Tobatuí malaekat i Allah namangoi ko'inia bo nopotabaí mogoinií ko'i Tuang simbaí ki Tuang mamangoi im baḷoinya, saḷaku tubag i Tuhan kom bayongan inta pinoigumnya kon doaí. Sia pinoki indongogan kon onu inta poguman i Tuang ko'inia."

23Daí inoiniídon i Petrus im mosia bo sinumu'ot kom bonu im baḷoi poḷat sinahangnyapa bo pinokisiugandon kon tua. Nopo'ikoḷomai kon singgai, ki Petrus nobangon bo minayak noyotakin monia takin tongonumai intau inta mopirisaya.

24Bain nopo'ikoḷomai kon singgai bo no'iyaput im mosia kong Kaisarea. Ki Kornelius takin bayongan ginaḷum bo yobayatnya mita inta ain inoiniínya dongkadon mogoḷat makow.

25Naonda in no'iyaput ing ki Petrus, baya-bayak sinomu i Kornelius poḷat sinumungkud in sia kon tayowonmai i Petrus.

26Ta'e sinuḷungan i Petrus binuat pinokisindogan poḷat noguman, "Sindogdon! Sin aku'oi na'a intaubií doman biasa."

27Koyogotpa mongonguman takin i Kornelius, ki Petrus sinumo'otdon kom baḷoi. Kon tua inontongnyadon nobayong intau noyosipun.

28Bo sia noguman ko'i monia, "Utat mita, kinota'auan bidon monimu kon ilarangbií in agama Yahudi mamangoi mokipodungkuḷ andeka moyobayat in intau mita ibanea. Ta'e aindon pinoguman i Allah ko'inakoí kon diaíbií mota'au monganggap kon ibanea tua in najis andeka haram.

29Tuamai wakutu ing ki Tuang nopo'igum simbaí aku'oi mamangoi, nosanangbií ing ginaku. Daí tana'a in liboíonkudon mongo nongonu sim pinoki'oiniíbi i Tuang in aku'oi."

30Daí ki Kornelius notubag, "Opatdon nosinggai na'a, degaí orasmaidon nana'a jam tiga moḷoḷabung aku'oi nosambayang kom baḷoiku. Indoianmai oyuíonbií in tobatuí ḷoḷaki siniminog kon tayowonkumai. ḷambungea mopo'uli-ulinag.

31Sia noguman nana'a, 'Kornelius! Sambayangmu sinarimadon i Allah bo kinota'auan-Nya domandon ing kopopia ing ginamu.

32Daí potabaídon intau mayak in Yope mogoinií kon intau inta tangoinya ki Simon Petrus. Sia nogutun kom baḷoi i Simon inta mororubus kong kulit. Tua kom pintad im baḷoinya.'

33Tuamai baḷuíku pinotabaí in intau mayak mogoinií ko'i Tuang. Bo namangoi domandon ing ki Tuang takin pia ing gina. Bo tana'a kami noyosipundon kon tayowon i Allah sim mokidongog kom bayongan inta pinokipota'au i Allah ko'i Tuang poguman ko'inami."

34Bo ki Petrus noguman, "Bain na'a bo kinota'auanku kon na'anta pinoyotongkaibií i Allah im bayongan intau.

35Intau kabií nongkon onda, asaḷ bo mo'ibog mogaid kon inta kino ibog-Nya, yo tuabií ing kinosanang gina-Nya.

36Pirman inta pinokipoyaput-Nya kon intau mita Israel, tuata in Habar Mopia inta nopota'au in dodamean inta inaidan i Yesus Kristus, Tuhan im bayongan intau.

37Kinota'auan bidon monimu im bayongan inta nobalií kom butaí in Yudea, pinangkoi kong Galilea inta nopaḷut makow pinobaptisan inta pinoki aid i Yohanes.

38Bo kinota'auanbií domandon monimu kong ki Allah ain nomilií ko'i Yesus intau Nazaret tua bo nobogoi ko'i-Nia in Roho i Allah bo kawasa. Kinota'auan domandon monimu kong ki Yesus tuata inta minayak in lipu-lipuíannya bo nogaid kon inta mopia poḷat nongundam kom bayongan intau inta kinawasa'an in Ibilis, sing ki Allah umuran kotaki-takin-Nya.

39Kamibií na'a inta ain noko'ontong tontanií kon onu im pinomia-Nya kom butaí intau Yahudi bo kon Yerusalem. Ta'e umpakah natua pinopopakuíbií monia in Sia kong kayu pinoyotalempang bo ilimod.

40Ta'e kon singgai intoḷunya, Sia bui biniag i Allah nongkon kinopatoian-Nya bo Sia nokipogontong kon intau.

41Tongaí de'emanbií kom bayongan intau, ta'e tongaíbií ko'inami inta pinilií-Nya muna mobalií saksi-Nya mita. Kami ain nonga'an bo nonginum noyotakin-Nya wakutu in Sia nobiagdon bui nongkon kinopatoian-Nya.

42Bo kami im pinarentah-Nya mopota'a-ta'au makow kom bayongan intau bo moguman kon Siabií tua inta pinilií i Allah mobalií hakim kon intau mita inta nobiagpa bo kon inta minatoidon."

43Bayongan nabi komintan bidon nongonguman kon soaáḷ Sia tua. Mosia noguman, "Bayongan intau inta mopirisaya ko'i Yesus, komintan ampungan in dosanya takin kakuasa'an inta nongkon i Yesus."

44Koyogotpa nongonguman ing ki Petrus, indoianmai noponagdon in Roho i Allah kom bayongan intau kon tua inta mongindongogmai kon onu im pinoyaputnya tatua.

45Daí intau mita in Yahudi nongkon Yope inta nopirisayadon ko'i Yesus inta dinimudui ko'i Petrus, komintan nongoherang noko'ontong kong ki Allah nobogoibií doman in Roho-Nya kon intau mita inta de'eman Yahudi.

46Sin inontong bo dinongogdon monia tontanií, onu in siningog intau mita tatua kom bonu im bahasa noyagi-yagimai bo mosia totok domandon modayow ko'i Allah. Daí ki Petrus nosingog nana'a,

47"Indoiaikah, intau mita tana'a kinawasa domandon in Roho i Allah naíonda doman bo kita. Daí mota'aupa degaí intau moḷamboi ko'i monia im baptison tubig?"

48Daí pinokibaptis i Petrus im mosia kom bonu in tangoi Yesus Kristus. Onda intua mosia nopo'igum simbaí ki Petrus mogutunpa takin monia tongonumai nosinggai.


  Share Facebook  |  Share Twitter

 <<  Kisah Para Rasul 10 >> 


Bahan Renungan: SH - RH - ROC
Download
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
© 2010-2019
Alkitab.SABDA.org

Android.SABDA.org
SABDA.mobi
Bantuan
Dual Panel

Laporan Masalah/Saran