Dual Panel1Diaí no'onggot kon tua ki Yesus minaya-mayak makow ing kota-kotaíanya bo lipu-lipuíannya bo mopoyaput in Habar Mopia kon soaáḷ náonda ing ki Allah mamangoi momarentah saḷaku Raja. Rasul-Nya inta mopuḷuh bodoyowaí kotaki-takin-Nya doman.
2Oyuíon doman im bobay inta ain inundaman-Nya nongkon kinotoḷongan in dimukud mita mora'at bo bayongan panyaki ibanea. Na'a in tangoi monia tua: Ki Maria inta dinonoy ki Magdalena (pitu in dimukud mora'at nonggaggu aindon pinoḷuai ko'nia);
3ki Yohana, inta ki buḷoi i Khusa, bendahara i Herodes; ki Susana bo nobayongpa doman im bobay ibanea. Onu ing kaparaḷuan monia wakutu in nobantung ko'i Yesus bo kon murií-Nya mita, sinanggungbií monia tontanií.
4Diaí mobonto-bontow in intau mita mamangoi ko'i Yesus.Mosia namangoi nongkon lipu-lipuíannya. Naonda intau nobayongdon in noyosipun, ki Yesus nongonguman kon tobatuí porumpama'an koi monia nana'a,
5"Oyuíon intau monononggobaí iḷumuai sim mogambor kom bibitnya. Ko wakutu in sia noponabud, oyuíon bibit noḷabuí kom bingkií in daḷan. Bibit tatua korita-ritakan makow in intau, onda intua nodait kina'an in ḷagapan.
6Oyuíon doman in noḷabuí kom butaí inta nobarong totok im batu. Naonda in sia nobiag, buibií no'ingkag sin diaí in tubig.
7Oyuíon doman in noḷabuí kon yuaí-yuaík in diaít. Diaít tatua nobiag noyotakin im bibit tatua poḷat doman monisiímai kom bibit tatua nodapot im minatoi.
8Ta'e oyuíon doman in noḷabuí kom butaí mopia. Bibit tatua nobiag nopira bo nomungai nodatog totok. Bungainya mogatut noguntuḷ ing kobayongea." Nopaḷut makow nongonguman kon natua, Sia noguman noropot nana'a, "Ki ine ing kobongoḷan yo pokidongog!"
9Murií-Nya mita noliboí ko'i-Nia mongo onu im mangale im porumpama'an tatua?
10Daí ki Yesus notubag, "Mo'ikow aindon inogoian ing karunia monota'au kon rahasia naonda ingki Allah momarentah saḷaku Raja. Ta'e intau mita ibanea pinopoyaputan ta'e tongaí nomakeí im porumpama'an, simbaí umpakahbií mosia monarukiramai, ta'e diaí kota'auan monia onu im mobalií, bo umpakahbií mosia mongindongog, ta'e diaí komangalean monia."
11"Na'a mangale im porumpama'an tatua: Bibit tua im Pirman i Allah.
12Bibit inta noḷabuí kom bingkií in daḷan, tua in ibarat intau inta ain nokidongog kom Pirman i Allah, onda intua inangoi in Ibilis bo inagow im Pirman tatua nongkon bonu ing gina monia, sin dika bo mosia mobalií mopirisaya bo posaḷamaton.
13Aka bibit inta noḷabuí kom butaí inta nobayong im batu, tua in ibarat intau inta nokidongog kom Pirman i Allah, bo notarima takin pia ing gina, ta'e onu in dinongog monia tua diaí no'i'tonop kom bonu ing gina monia. Mosia tongaí nopirisaya notoyong, naonda ing kinoaíngoian soba'an, mosia diaí nonahang bo nobaḷui im pirisaya monia ko'i Allah.
14Bibit inta noḷabuí kon yuaí-yuaík in diaít, tua in ibarat intau inta ain nokidongog kom Pirman, tongaí gina monia umuran sinisií ing kapunya'an inta inanggap monia mokosanang kong kobiagan monia kon dunia na'a, sahingga diaí notuoi im bungainya.
15Yo aka bibit inta noḷabuí kom butaí mopia, tua in ibarat intau inta nokidongog kom Pirman, bo pino'tonopnya totu-totu'u kom bonu ing ginanya sahingga in nonahang kon yagi-yagi soba'an bo nobogoi im bungainya inta totok im mopia."
16Diaíbií intau im mopoyongkit makow in togaí bo tungkubannya in tampayang andeka taguíonnya kon siup in ḷanta'an. Tantuí togaí tatua in tuduonnyabií kon tampatnya, simbaí komintan intau inta tumu'ot kom baḷoi tatua moko'ontong kom bayagea.
17Diaíbií in tobatuímai no'ibuni in diaí popo'ontong, bo diaíbií in tobatuímai in binuni in diaí kota'auan bo diaí popota'a-ta'au makow.
18Manangka intua yo tarukira'ai kopira onu inta ain dinongog monimu. Sin aka ki ine in oyuíondon, yo ko'inia tua in dugangan doman bui, ta'e ki ine in diaípa, yo onu in oyuíonpa ko'inia gamaían domandon nongkon inia.
19Ki inaí bo ki utat mita i Yesus namangoi ko'i-Nia, ta'e diaí no'i'yaput ko'i-Nia sin nobarong totok in intau.
20Daí oyuíon in intau nopota'au ko'i-Nia, "Ki inaí bo ki utat i Pak Guru tua kon ḷuai, mosia mo'ibog moyodungkuḷ i Pak Guru."
21Ta'e ki Yesus noguman ko'i monia, "Intaubií mita inta mo'ibog mokidongog kom Pirman i Allah bo inta mo'ibog mogaid kon onu inta kino ibog-Nya, tuatabií ing ki inaí bo ki utat-Ku mita."
22Kon singgai tobatuí, ki Yesus bo murií-Nya mita sinumakoi kon uangga. Sia noguman ko'i monia, "Igai baí kita mayak in ḷoḷan danow." Daí minayak i mosia.
23Ko wakutu i mosia kom binaya'andon, ki Yesus nosiug noḷoḷot, indoianmai daliíbií namangoi in tompot moropot totok kon danow tatua, sahingga in nobokoḷ noḷoben bo uangga mulaidon kobonuan in tubig, sahingga mokobahayadon ko'i monia.
24Daí murií-Nya mita namangoi bo noguḷung ko'i-Nia, kai monia, "Pak Guru, Pak Guru, mobodito ing kita!" Ki Yesus nobangon bo nongguak kon tompot bo bokoḷ inta koyogot mogirup tatua. Daí tompot bo bokoḷ tatua nogogai bo diaídon nobokoḷ.
25Bo siningog i Yesus im mosia, "Nongonu sim mo'ikow in diaíbií mopirisaya ko'i-Nakoí?" Mosia no'ondok bo noherang. Mosia nosiliboían, "Ki inebií sabanarnya in intau tana'a sin umpakah tompot bo tubig yo dumudui doman kon singog-Nya!"
26Ki Yesus bo murií-Nya mita iḷumeag nodapot in lipuí intau ing Gerasa inta kon ḷoḷanmai in Danow Galilea.
27Naonda ing ki Yesus noponag kon toba, Sia inangoi in tobatuí intau inta nongkon kotaí tatua. Intau tatua kinotoḷongan in dimukud mora'at. No'onggotdon sia in diaí nogiḷambungmai bo diaídon doman nogutun kom baḷoinya. Sia nogutun bidon kong gua mita inta poḷoḷobongan kon intau minatoi.
28Naonda in sia noko'ontong ko'i Yesus, kinumarak in sia bo sinumungkud kon tayowonmai i Yesus bo nomaḷuí, "Hoi Yesus ki Adií i Allah inta Totok Moḷantud! Onuon i Tuhan in aku'oi na'a? Po'igumonku totok ko'i Tuhan, dika roriga'an in aku'oi!"
29Dimukud mora'at tatua noguman natua, sim pinotabaí i Yesus ḷumuai nongkon intau tatua. Sim mokakitdon im pogarab in dimukud mora'at in intau tatua. Daí poḷoḷukad kon intau tatua in dongka bidon togotonmai in rante bo umantungan, ta'e bontowonnya doman in rante inta pinotogot ko'inia, onda intua sia diaan in dimukud mora'at mayak im padang gurun.
30Ki Yesus noliboí kon intau tatua, "Ki ine in tangoimu?" Tubagnya doman, "Tangoiku 'ki Legion'" -- sin nobayong totok in dimukud mora'at in sinumu'ot ko'inia.
31Daí dimukud tatua nopo'igum ko'i Yesus simbaí diaí potabaí-Nya im mosia mayak in daḷan kopatoian.
32Nodiug kon tua oyuíon im bokeí noaíntoí inta koyogot motayakmai kong ka'anon monia kon tonsiligmai im buḷud, daí dimukud mora'at tatua nopo'igum ko'i Yesus, simbaí ogoi im mosia mayak tumu'ot kom bokeí mita tatua. Daí dinuduian i Yesus onu im pino'igum monia tua.
33Dimukud mora'at mita tatua iḷumuai nongkon intau tatua bo minayak sinumu'ot kom bokeí mita tatua. Bokeí mita tatua minayak bo iḷumansik nongkon bingkií in irang bo noḷabuí kon danow poḷat noḷomot.
34Naonda intau mita inta noḷukad kom bokeí noko'ontong kon natua, mosia noḷagui bo poḷat minayak nopohaba-habar makow kon onu inta ain nobalií tatua kong kotaí bo kon lipuí mita inta noyodiugmai.
35Daí iḷumuaidon in intau mita kon tua sim mo'indoi kon onu inta ain nobalií kon tua. Mosia namangoi ko'i Yesus bo inontong monia in intau inta sinaḷa'andon in dimukud mora'at. Intau tatua ilimituídon makow kon diug in si'oḷ i Yesus, aindon noratak bo nogiḷambungdon. Mosia kon tua komintan inangoian ondok in noko'ontong kon onu inta nobalií tatua.
36Naíonda ing koío'inggamaí ing kawasa in dimukud mora'at kon intau tatua, nodait ino'uman in intau mita inta ain noko'ontong tontanií kon onu inta ain nobalií tua.
37Sahingga intau mita inta kon lipuí ing Gerasa tua nopo'igum ko'i Yesus, simbaí taḷaan-Nya im mosia sim mo'ondokdon totok mosia. Daí ki Yesus sinumakoidon bui kon uangga bo nonaḷaímai ko'i monia.
38Intau inta ain sinaḷaan in dimukud mita mora'at tatua nopo'igum ko'i Yesus simbaí ogoi in sia tumakin ko'i Yesus. Ta'e pinotabaí i Yesus in sia takin koyow nana'a,
39"Pobuidon ikow kom baḷoimu bo daitdon o'uman im bayongan inta ain inaidan i Allah ko'inimu." Daí intau tatua minaya-mayakdon makow kom bayongan kotaí bo nopota'a-ta'au makow im bayongan inta ain inaidan i Yesus ko'inia.
40Naonda ing ki Yesus nobui mangoi, Sia sinontomu intau mobayong takin sanang gina, si mosia dongkadon mogoḷat makow ko'i-Nia.
41Bo kon dodai intua namangoi domandon in intau, tangoinya ki Yairus. Ki Yairus na'a, itoi kom baḷoi pososambayangan. Sia sinumungkud kon tayowonmai in si'oḷ i Yesus bo nopo'igum totok simbaí ki Yesus mo'ibog mamangoi im baḷoinya.
42Sin wakutu intua ki adiínya inta tongaí totobatuí tua notakit dongkadon oḷaton. Adií tatua umurdon degaí mopuḷuh bodoyowaí notaong. Daí ki Yesus minayak. Kom bonu im binaya'an tatua totok monia dodakkan ing ki Yesus.
43Bo kon sigad intau moaíntoí tatua, oyuíon tobatuí bobay inta aindon mopuḷuh bodoyowaí notaong notakit sinoḷoganmai in duguí, bo diaí tobatuímai im mokopia kon takitnya tatua.
44Daí totok noramiji in sia baí mo'idiug ko'i Yesus nongkon tumi bo mokadai kon ubung in jubah-Nya, daí kon dodaipa doman intua bobay tatua nopia.
45Ta'e ki Yesus noliboí ko'i monia, "Ki ine in noliai ko'i-Nakoí? Ta'e diaí tobatuímai in nongaku, daí ki Petrus noguman, "Pak Guru, totu'u mobarong intau in noḷipung ko'i Pak Guru, dapot ing ko'undudan magi'makow monia ing ki Pak Guru!"
46Ta'e kai Yesus doman, "Oyuíon tobatuí intau in sinumontuíon no'liai ko'i-Nakoí, kinorasaan-Ku kon oyuíon ing kawasa iḷumuai ko'i-Nakoí."
47Naonda ing kinota'auandon im bobay tatua kon onu inta inaidannya tua aindon kinota'auan i Yesus, daí namangoi in sia, ta'e gugur makow bo sinumungkud kon tayowon-Nyamai. Onda intua ino'umannya kon tayowon intau moaíntoí in alasannya mongo nongonu sin sinumontuíonbií in sia noliai ko'i Yesus. Takitnya tatua nopia kon dodaipa doman intua.
48Ki Yesus noguman kom bobay tatua, "Adií-Ku, pirisayamu ain nokosaḷamat ko'inimu. Bayakdon takin saḷamat!"
49Koyogotpa ing ki Yesus nosingog, namangoi in tobatuí ginaḷum i Yairus bo noguman ko'i Yairus, "Ki adií i Tuang minatoidon, daí dona'aidon ing ki Tuang mamangoi bo mokiposusahmai ko'i Pak Guru!"
50Tongaí dinongog i Yesus onu inta pinoguman in intau tatua, daí Sia noguman ko'i Yairus, "Yairus, dikabií mo'ondok. Popirisayabií daí mosaḷamatbií ing ki adiímu tatua."
51No'iyaputmai kom baḷoi i Yairus, diaí tobatuímai intau ibanea inogoi i Yesus dinumudui ko'i-Nia sinumu'ot ing gopot, kolikudbií ing ki Petrus, ki Yohanes, bo ki Yakobus takin ki inaí bo ki amaí in adií tatua.
52Totokdon in ombaḷan bo amuian monia in adií tatua, ta'e ki Yesus noguman ko'i monia, "Dikadon mongombaḷ im mo'ikow sin adií tatua in diaíbií minatoi tongaíbií nosiug!"
53Ta'e kinosingan monia in Sia, sing kinota'auan monia kon minatoi bidon adií tatua.
54Daí kinadaian i Yesus in lima adií tatua bo noguman, "Pobangondon ule!"
55Bo nobuidon mangoi in dimukud adií tatua bo kon dodaipa doman intua nobiag bui in adií tatua bo poḷat sinimindog. Ki Yesus nokipokaan in adií tatua.
56Guyanga in adií tatua totok in noherang noko'ontong, ta'e onu inta ain nobalií tatua diaíbií inogoi i Yesus pota'a-ta'au makow ko'i inekabií.