Dual Panel1Õsi zura andre ya'ia zanandrõsa ba Daroma Li fangorifi, ya'ia Daroma Li si no so i'otarai mbõrõta. No marongo, ba no ma'ila ia hõrõma samõsa. No manehegõ ia ba no gõi mababaya ia faoma tangama.
2Me tefa'ele'õ wa'auri andrõ ba gulidanõ, ba no ma'ila ia. Da'õ mbõrõ wa mafaduhu'õ ia ba maturiaigõ khõmi wa'auri satulõ si lõ aetu si no so khõ Nama, ba no gõi tefa'ele'õ khõma.
3Hadia ia zi no ma'ila ba marongo, da'õ gõi ni'ombakha'õma khõmi, ena'õ fao ami awõma ba wango'aurifagõ fa'auri fa ha sambua khõ Nama ba ba khõ Nono-Nia Yesu Keriso.
4Masura da'e ena'õ so wa'omuso dõdõda sindruhundruhu.
5Da'e duria si no marongo moroi khõ Nono Lowalangi, ba ni'ombakha'õ khõmi: Lowalangi andrõ ba no haga, ba khõ-Nia lõ hadõi sogõmigõmi.
6Na taw̃a'õ ha sambua ita khõ-Nia, ba ya'ita sa auri bakha ba zogõmigõmi, ba no sofaya ita he ba wehede he gõi ba nifaluada.
7Na ba haga so ita si mane fe'aso-Nia ba haga, ba no sauri ba wa'ohahau ba ba wa ha sara dõdõ ita khõ nawõda, ba Ihaogõ ita do Nono-Nia Yesu, Iheta horõda fefu.
8Na taw̃a'õ wa lõ horõda, ba talimo ita; ba lõ Lowalangi bakha ba dõdõda.
9Ba na ta'ombakha'õ horõda khõ Lowalangi, Ifalua gamabu'ula li-Nia, ba Ifalua hadia zatulõ. I'efa'õ horõda awõ wa Ihaogõ ita moroi ba gamuatada si lõ sõkhi fefu.
10Ba na taw̃a'õ wa lõ horõda, ba tabali'õ sofaya Lowalangi, ba taroma li-Nia lõ sonahia ba dõdõda.