Alkitab Mobile SABDA
[VER] : [NIAS]     [PL]  [PB] 
 <<  Galatia 6 >> 

1He ya'ami, ira talifusõ! Na tesõndra so niha samalua horõ, ba ena'õ ya'ami si so Eheha Lowalangi, mifuli mi'ohe ba lala si sõkhi zi manõ. Mifalua da'õ si fao fa'ohauhau, ba mifaigi fa bõi tetandraigõ ami.

2Ya faoma mi'onoro noro dõdõ nawõmi, ena'õ ba zi manõ no mi'o'õ goroisa Keriso.

3Na so samõsa zanguma'õ tõdõnia sebua ia, hew̃a'ae lõ'õ, niha da'õ no ilimo ia samõsa.

4Ya mufareso dozi zamõsana hadia sõkhi mbuambuania, ma lõ'õ. Na si sõkhi atõ, ba ya mu'omusoi'õ dõdõnia zamõsana ba ngawalõ zi sõkhi si no ifalua. Lõ moguna ifaedofaedogõ ia ba ngawalõ zi no lalau niha bõ'õ.

5Bõrõ me ilu'ilu'i noronia zamõsana.

6Niha si no manema famaha'õ Keriso, ya mululu khõ zamaha'õ ya'ia ngawalõ zi sõkhi si so khõnia fefu.

7Bõi elungu ami. Lõ ibe'e ni'o'aya Ia Lowalangi! Hadia nitaru niha sa, da'õ gõi nibasinia dania.

8Na itaru molo'õ amuata niha, ba moroi ba gamuata niha ibasi dania wa'amate. Ba na itaru molo'õ Eheha Lowalangi, ba moroi ba Geheha ibasi dania wa'auri si lõ aetu.

9Bõrõ da'õ, bõi atage ita wolau si sõkhi andrõ; na lõ atage ita wolau ngawalõ zi sõkhi andrõ, samuza inõtõ dania ba tabasi mbuania.

10Bõrõ da'õ, da talau sa'ae zi sõkhi ba niha fefu, fatua so ginõtõ khõda, si ofõna sibai ba dalifusõda si ha sara lala wamati khõ Yesu.

11Ba mihaogõ wanõngõni faosatõ da'e, nisuragu samõsa ba da'e.

12Niha somasi mangofõnai'õ dali zoroma ba hõrõ, da'õ zango'ou ya'ami ba wolo'õ famoto andrõ. Ba lalau da'õ, ena'õ lõ la'uduni ira ya'ira niha Yahudi bõrõ rõfa khõ Keriso andrõ.

13Niha si no mamalua famoto manõ na'i ba lõ lago'õ huku agama. Ba omasi sa ira na mifaboto'õ ami, ena'õ lasuno ira me mi'o'õ wamoto andrõ.

14Ba ya'o lõ manõ ufa'amõi ba dõdõgu wanuno ya'o, baero Zo'aya ya'ita Yesu Keriso, si no mate ba rõfa. Bõrõ me no mate Ia ba rõfa, wa lõ eluahania khõgu nõsi gulidanõ andre. Ba sanandrõsa ba nõsi gulidanõ andre, hulõ zi no mate ndra'o.

15Muboto ba ma lõ muboto, lõ moguna. Ha niha si bohou zoguna.

16Ba niha sanõrõ lala si mane, ba si manõ gõi ba mbanua Lowalangi fefu, manõtõna ndra'o khõ Lowalangi wa Ibe'e wa'ohahau dõdõ ba fa'ahakhõ dõdõ-Nia.

17U'andrõ khõmi, bõi ya mubusi sa'ae dõdõgu niha, haniha ia. Bõrõ me ba nõsigu andre so dandratandra wa solo'õ Yesu ndra'o.

18Ya mufahowu'õ ami fefu So'aya ya'ita Yesu Keriso. Yaduhu.


  Share Facebook  |  Share Twitter

Download Audio MP3 (Galatia 6):
Mobile (Low Quality) - CD (High Quality)

 <<  Galatia 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Bantuan
Dual Panel Dual Panel