Alkitab Mobile SABDA
[VER] : [SANGIR]     [PL]  [PB] 
 <<  1 Korintus 5 >> 

1Tuhụ hinone iạ seng nakahombang habarẹ̌ nasěsahẹ̌ u sutal᷊oarang kamene e kai piạ pẹ̌sasundal᷊ẹ̌ mạhěmpal᷊iu: Piạ u wọi kamene nẹ̌kapapuěng si mamane uatạ. Taumata apam bẹ̌gang Mawu e mal᷊ain tawe mẹ̌kakoạ kerene!

2Maning kerene, kai mang bědang marangẹ naung i kamene e. Sěmbal᷊iau i kamene kawe hinong měngkasusa, ringangu mapasěbang i sire apang měmpẹ̌kẹ̌koạ ene e wọu tal᷊oarang kamene e.

3U iạ e maningbe marau tuhụ badange, kaiso tuhụ dokẹ̌ e ute ene wue sutal᷊oarang kamene. Kụ ene, iạ e kai něnawong putusang al᷊ingkai ene sutal᷊oarang kamene. "Su arengu Mawu Yesus Kristus iạ maul᷊ịu i saing kụ seng nẹ̌koạ karal᷊amuhụ e ute harusẹ̌ ihukung!" Kereu i kamene měmpẹ̌komol᷊ẹ̌ e ute mẹ̌sul᷊ungu iạ mal᷊aing ene sutal᷊oarang kamene ringangu ual᷊ingu kawasan Mawung kitẹ i Yesus,

4(5:3)

5ute i kamene e hinong měnarakangken tau ene su setang tadeạu mapakawinasam badange, arawe himukude maambang su tempon Mawu e ruměnta kapia.

6Dal᷊esạ i kamene e mamben ta nẹ̌tatahino. Aramanung i kamene masingkạ u wawera, "Haesẹ̌ kạdodọ e makạtuwo kěbị tapoěng nikaugẹ̌!"

7Děmmẹko kal᷊amona haesẹ̌ těbe, arau haesu rosa e, tadeạu i kamene mariadiwe kal᷊aukangu tapoěng buhu, wurẹ̌si wọu l᷊ahaesu rosa těbe kụ iạ e masingkạ batụu i kamene mambeng kerene. Batụu, pěmamantugu ěllong Paska'ng kitẹ e seng nasạdia, watụ u i Kristus seng nakoạ dombang Paska'ng kitẹ e karạ kawe selaing nihata.

8Kụ mahịe i kitẹ měmantugẹ̌ sal᷊iwang i kitẹ e ringangu borotẹ̌ ta nilẹ̌haesang, mangal᷊ene borotẹ̌eng kasasusi ringangu patikụ apan nẹ̌tatahino su kapulun Mawu Ruata. Kumbahang i kitẹ e měmantugẹ̌ ěllon Paskah e relaing mẹ̌pakẹ u borotẹ̌ piạ kabọ e těbe, kụ kai l᷊ahaesu rosa e ringangu karal᷊amuhụ.

9Su ral᷊ungu suratẹ̌ku tamai nal᷊iu, iạ e nẹ̌sěding si kamene tadeạu i kamene abe pěmpẹ̌dalahapị dingangu tahapẹ̌sundal᷊ẹ̌.

10Kai iạ bal᷊inewe mạanung tahapẹ̌sundal᷊ẹ̌ arau mal᷊aanggang arau tahapěngakal᷊ẹ̌, arau tahapaněmba mahan duata kụ mamben bẹ̌gawen Mawu Ruata mạdihutu. Wal᷊ine! Iạ e wal᷊inewe mạul᷊ịu i sire; u kamageng i kamene kawe harusẹ̌ mẹ̌těngkaraun sire e, nal᷊ahẹ u i kamene e hinong mahunsěbang bọu dunia ini.

11Su timonaku e ute kai, i kamene kumbahang mẹ̌dahapị u taumatan Sahani e kụ mạngakum batangenge tau Sahani e, kaiso kawe tahapẹ̌sundal᷊ẹ̌, arau maanggang, arau tahapaněmba mahan duata, arau puluange měndal᷊akisẹ̌ taumata wal᷊ine, tahawukang, arau l᷊ai tahatako. Kal᷊ingung kumaěng sěngkakaěng dingangu taumata ene e mamben kariẹ!

12Těngadẹ̌ bue měhukungu taumata apam bal᷊ine tau Sahani e wal᷊inewe hal᷊ẹ̌ku. Kai Ruata sẹ̌sane e sarung měhukung i sire. Kai arawe mạanun dal᷊ohon jamaat'i kamene e, wal᷊inewe i kamene hala ngae hinong měhukung i sire? Su ral᷊ungu Winohẹ Susi e kạbawohẹ, "Tokol᷊e taumata ral᷊akisẹ̌ e wọu anung kamene."

13(5:13)



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Korintus 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel