Alkitab Mobile SABDA
[VER] : [SANGIR]     [PL]  [PB] 
 <<  1 Korintus 6 >> 

1Unụe piạu wọu tal᷊oarang kamene wahani makoạ sol᷊ong anum mělahukung kụ tawe měngangimang su Mawu e mědeạu měngalakẹ̌ u manga anạ u sěmbaụ tamba pangangimang, kereu i sie mẹ̌sitori ringangu kasanggidange e? Unụe wue i sie tawe mẹ̌gaghausẹ̌ masasusi e ipangurusẹ̌ sidarạ ene?

2I kamene kai wẹ̌ga u masasusi e sarungbe měmpěhukungu dunia e? Kụ kereu i kamene mambeng sarung iapěhukungu dunia ini, ute kai tawe makaumal᷊ẹ̌ ngae měhukungu kal᷊awọu tal᷊udiki?

3Unụe i kamene kai wẹ̌ga u i kitẹ e kai sarung měhukungu manga malaekatẹ̌? Něngalembọ e wue ute katewe hal᷊ẹ̌ u pẹ̌bawiahẹ̌ měllo-měllo e!

4Tangu kereu suměpụ hal᷊ẹ̌ kere tamai ene, ute měnsang i kamene měngalakẹ̌ u ene su taumata apang kụ tạ kal᷊aianenge su ral᷊ungu jamaatẹ̌?

5Mambeng makạmamea! Tantu sutal᷊oarang kamene manga anạ u sěmbaụ e piạu pẹ̌sěngkatau e limembowe matahuěnna makal᷊ěmmạ pẹ̌sasilontahẹ̌ sutal᷊oaran lawọ dal᷊ohon jamạat'u Sahani!

6Kaiso su sěmběkane piạko sěngkatau Sahani nakoạ sol᷊ong anun tau wal᷊ine Sahani e waugu sěndinganenge Sahani!

7Balakong mẹ̌pěrkarang bal᷊ine tau Sahanie; kai pẹ̌sasilontahẹ̌ sutal᷊oaran l᷊awọ dal᷊ohon jamaatẹ̌ e sembelain nakoạ sěmbaụ kananawong kamene. Mạěndokangbe i kamene i koạ su tạ katul᷊idẹ̌, arau kaakal᷊eng!

8Kai i kamene hala e sal᷊a anune mapakariadin taumata wal᷊ine e tawẹ katul᷊ide. I kamene hala e mal᷊aing mapakaruging taumata wal᷊ine. Kụ tamai ene e mang kẹ̌koateng su manga anạ u sěmbaụ tamba pangangimang!

9I kamene kai wẹ̌ga u taumata kụ ta tumatuhụ kapulun Duata e, sarung tawe makoạ dal᷊ohon jamaat'u Mawu? Kumbahang bue i kamene kaakal᷊eng! I sain měmpẹ̌sẹ̌sundal᷊ẹ̌, i sain měmpẹ̌nẹ̌němba mahan duata, nawuang, kụ mẹ̌kẹ̌koạ kakanoạ makạmea su těngon sěndinganenge,

10apan mětẹ̌tako, maanggang, tahawukaneng, apang měngkai puluang měndal᷊aị taumata wal᷊ine, ringangu tahapěngakal᷊ẹ̌ bal᷊ine e -- patikụ taumata kerene e tawe kapusakatengu kararatuangu Mawu Ruata e.

11Pira-pirang katau sutal᷊oarang kamene nạung piạ lulune kerene. Arawe orasẹ̌ ini i kamene nipakal᷊ahẹ u wurẹ̌si wọu rosa. I kamene sen nitani nakoạ tataghuaneng u Ruata, ual᷊ingu i kamene mạngimang su Mawu Yesus Kristus dingangu ual᷊ingu kawasang Rohkẹ̌ bọu Ruatang kitẹ e.

12Piạ u nẹ̌bera u, "Iạ e wotonge makakoạ patikụ sabarang." Kai nihino si siạ e, wal᷊inewe kěbị e piạ mangal᷊ene. Kụ manilaing iạ e makakoạbe apa-apa, kai iạ e tawe mapulu mapakawalam batangengku e walạ e piạ u mẹ̌kawasa.

13Piạ u l᷊ai nẹ̌bera u, kaěnge kai waugu tiang, dingangu tiange nisadia gunang kaěng. Kaiso kěbị e sarung iapakatadiseng Mawu Ruata e. Badangu taumata e tawe wotonge měngkai paketang baugu kapulung pẹ̌sasundal᷊ẹ̌ e kaiso pianẹ e waugu pẹ̌tangkiang Mawu. Dingangu Mawu e sarung mẹ̌paduli wadang ene.

14Kụ Mawu Ruata e seng napẹ̌biahu Mawu Yesus bọu papate, kerene lai Ruata e sarung mapẹ̌biahi kitẹ ual᷊ingu kawasan'E.

15Manga anạ u sěmbaụ masingkạ u watangeng i kamene kai laesu wadangi Kristus. Kụ botonge ngae iạ makapěngal᷊ạ sěmbaụ bọu laesu wadangi Kristus mase ipakakakoạ laesu wadangu sěngkatau tahapẹ̌sundal᷊ẹ̌? Mambeng kumbahang!

16Arau aramanung i kamene wẹ̌dang bẹ̌ga u taumata apan mẹ̌dal᷊aụ u tahapẹ̌sundal᷊ẹ̌ e, ute kai makoạ badang sěmbaụ dingangu tahapẹ̌sundal᷊ẹ̌ ene! Kai su ral᷊ungu Winohẹ Susi kạbawohẹ u, "Irẹ̌dua e nakoạ sěmbaụ."

17Arawe taumata kụ mẹ̌těngkatakidẹ̌ dingangu Mawu, ute Rohkẹ̌ u Ruata e ringangu rohkẹ̌ e nakoạ sěmbaụ.

18Pẹ̌těngkagheako wọu pẹ̌sasundal᷊ẹ̌ e. Watụ u patikụ dosa wal᷊ine e kinoạ u taumata e, nariadiwe sul᷊ikudu wadangu tau ene. Kai arawe isain nẹ̌koạ pẹ̌sasundal᷊ẹ̌, ute mẹ̌sẹ̌sal᷊ang badange tutune.

19I kamene harusẹ̌be masingkạ u wadangi kamene e kai pẹ̌tatanakengu Rohkẹ̌ u Ruata. Rohkẹ̌ ene e mạtanạ su ral᷊ungi kamene. Mase Mawu sẹ̌sane ene kai něngonggọ u Rohkẹ̌ ene si kamene. Batangeng i kamene e wal᷊inewe i kamene taghuange, ene kai tataghuangengu Mawu Ruata.

20Ruata e seng němělli si kamene kụ seng nasueng baehe. Ual᷊ingu ene ute, koạko wadang i kamene tadeạu mapakawantugu Mawu Ruata.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Korintus 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel