Alkitab Mobile SABDA
[VER] : [SANGIR]     [PL]  [PB] 
 <<  1 Korintus 8 >> 

1Su hal᷊ẹ̌ewen manga kaěng kụ ighẹ̌gěllị pạněmba maha'n duata e. Kahěngang bue nạung kere nipẹ̌beran taumata u, "I kitẹ kẹ̌bị e seng něngkapande." Kaiso kapande nakariadi taumata e naobotẹ̌, arawe kai kakěndagẹ̌ e mạmangung pẹ̌sěngkatau.

2Taumata kụ mạul᷊ịu i sie lawọ kasingkạe, ute tumuhụ hinone ute kai kasingkạ e tawẹ kararal᷊unge.

3Arawe kai taumata kụ těnga-těngadẹ̌ kụ kěndagu Mawu Ruata e, ute i sie su kasingkạben Duata.

4Su hal᷊ẹ̌ u kumaěng kaěng kụ seng nisěmba su mahan duata e, kai mělẹ̌lahẹ u barang tala. Dingangu i kitẹ mambeng lai masingkạ u Ruata e mang sěmbaụ; tawẹ u wal᷊ine.

5Těngadẹ̌ bue mal᷊aing lawọ isẹ̌sẹ̌bạ duata ringangu mawu; baẹ su l᷊angị arau su wowon dunia.

6Kai arawe si kitẹ e, Ruata e mang sěmbaụ. I Sie kai i Amang něndiadi patikụ. Kai waug'i Sie i kitẹ e mẹ̌bẹ̌biahẹ̌. Dingangu Mawu e kẹ̌tạbenlai sěmbaụ, kụ kai Yesus Kristus. Kai wo'i Sie patikụ sạbarange niriadi, ringangu kai ual᷊ing'i Sie tangu i kitẹ e nakapẹ̌biahẹ̌ e.

7Maningbe kerene e, wal᷊inewe kěbị makakasingkạ u ene. Piạben nạung kal᷊amona e nanarangbe mạněmba mahan duata. Kụ ual᷊ingu ene ute sarạeweng orasẹ̌ ini e ute i sire wědawen makạpěndangu kaěng, kụ seng nisěmba su mahan duata e, kai kaěngu mahan duata. Tangu mạengu i sire kumaěng kaěng ene ute i sire makapěndangu kai limawang; batụu pěngangimang i sire e wědang ta nạtoghasẹ̌.

8U tumuhụ hinone laidopẹ̌ hala e wědawen tawe makakasěgadẹ̌ pẹ̌dal᷊ahěmpukang i kitẹ e ringangu Mawu Ruata e. Kereu i kitẹ e kumaěng kaěng ene e i kitẹ tawe makahombang be kal᷊auntung apa-apa. Susěmbẹ̌kane e kereu i kitẹ e tawe kumaěng kaěng ene e i kitẹ mamben tawe marugi.

9Kaiso, pakaingatẹ̌ bue! Kumbahang bue sarang taumata wal᷊ine e manawo surosa -- ual᷊ingu pěngangimange wědawen ta nạtoghasẹ̌ -- u watụ u i kamene e měngkawe walạewe apa koateng.

10Sutimonakue kai kere ini: Andene i kamene apan matoghasẹ̌ supěngangimang e, kutẹu kawe mạhungkaěng su ral᷊ungu wal᷊en pananěmbaěng su mahan duata e. Bọu ene pẹ̌sengkatau piạu makạsilo si kamene mạiang kụkaěng sene. Kereu pangangimang e tạ toghase, bal᷊inewe makawahani taumata ene kumaěng kaěng seng nisěmba su mahan duata ngae?

11Kụ ual᷊ingu ene, tangu pěngangimang i kamene e makapanoghasẹ̌be si saing apan pěngangimange lome kụ napal᷊idẹ̌. Sumbal᷊iu i Kristus e kawe napohong mal᷊aing baugu taumata kerene.

12Dingangu kereu i kamene měkoạ pẹ̌sasal᷊a su manga anạ u sěmbaụ Sahani e -- ute i kamene e kai něnggolang pěngangimang i sire e kụ seng těbe lome -- tangu i kamene ute nẹ̌sal᷊a su těngong Kristus.

13Kai ene hakịu, kamageng laidopẹ̌ e kawe makakatanggan anạ u sěmbaụ e, ute iạ e semben tawe kuminạ gěsi e sarang sěnsul᷊e. Madiriweng iạ makoạ katatanggaěng su anạ u sěmbaụku.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Korintus 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel