Alkitab Mobile SABDA
[VER] : [SANGIR]     [PL]  [PB] 
 <<  1 Petrus 4 >> 

1Ual᷊ingu i Kristus seng nasunsara tuhụ mawadange, ute i kamene pěmpěnoghasẹ̌ben batangeng i kamene su karaki kerene. Batụu taumata masunsara tuhụ mawadange semben tawe mẹ̌koạ pẹ̌sasal᷊a.

2Ual᷊ingu ene ute i kamene pěněpasẹ̌kom pẹ̌bawiahi kamene su dunia ini e tuhụ kapulun Duata e ringangu wal᷊inewe tụtuhụ ěnningu taumata.

3Su tempo nal᷊iu, i kamene nạungbe riọ marěngụ mẹ̌kẹ̌koạ apang kẹ̌koatengu taumata apam běgawe mẹ̌kiral᷊a Mawu. Mamben dal᷊akisẹ̌ pẹ̌bawiah'i kamene. I kamene nạung měngkate mạhimatụ sahigẹ̌, mẹ̌těngkiwukang, pẹ̌bawawusang kakaěng, dingangu pěnganginung dingangu lai měmpạněmba mahan duata e makạdarěnting.

4Orasẹ̌ ini e taumata apam bẹ̌gan Mawu e, mạherangu i kamene e tawe tumatol᷊e mẹ̌biahẹ̌ kere i sire, mẹ̌barạdosa tawẹ ědone. Kai ene hakịu i sire měmpẹ̌numea si kamene.

5Kai tangu i sire e hẹ̌dowen hinong mẹ̌habaru sasimbah'i sire su Mawu Ruata kụ seng sadia měhukungu taumata wiahẹ̌ dingangu nate.

6Kai ene hakịu Injilẹ̌ e seng bọu nihabarẹ̌ lai su taumata apan seng nate. Timonane ute tadeạu i sire kụ seng nịlahukung tuhụ mawadang -- kerene lai patikụ taumata e sarung ihukung -- makapẹ̌biahẹ̌ tuhụ marohkẹ̌, sěndal᷊engu kapulun Mawu Kasěllahenge.

7Patikụ sạbarange semben maraning pangěnsueěnge, ual᷊ingu ene ute i kamene kěnangko masingkạ mangěnna watangeng dingangu pakal᷊aingatẹ̌, takadeạu i kamene makapẹ̌kal᷊iomaneng.

8Kasariange ute: i kamene mamben pakaghaghughul᷊ẹ̌ měmpẹ̌kakěndagẹ̌ sěmbaụ dingangu wal᷊ine, u kahiạen pẹ̌kakakěndag'i kamene e ute makahěmbungbe kal᷊awọu rosa.

9Mal᷊owọko mạhandangenang bọu wal᷊e sěmbaụ sol᷊ong bal᷊e wal᷊ine e tawẹ ěnggụe.

10I kamene sěngkatau-sěngkatau e seng nakahombang gaghěllị mẹ̌tẹ̌tatěntang bọu Mawu Ruata e. Batụu ene, kere matataghul᷊imane mapapia su apang gaghěllị u Ruata e, ute kěnangko i kamene pěmpẹ̌tatinggụkon kapapelesa gaghěllị ene waugu makapia l᷊awọ.

11Taumata apam mělahabaru injilẹ̌ e, ute harusẹ̌be pěhabaru injilu Mawu Ruata; i sain mẹ̌tangkiang taumata wal᷊ine e, harusẹ̌be pẹ̌tangkiangu kuatẹ̌ bọu anun Mawu Ruata, tadeạu su ral᷊ungu patikụ sạbarange, Mawu Ruata e ipakawantugẹ̌ ual᷊ingu i Yesus Kristus. Kai i Sie piạ kawasane, ringangu hinong bantugang sarang marěngụ-děngụ. Aming.

12Manga anạ u sěmbaụ ikẹ̌kěndagẹ̌! I kamene e orasẹ̌ ini e tumanịu masunsara watụ u kai wẹ̌banikateng. Kaiso arịebe kěngkaherang, tabidạu piạ hombang nariadi nakananiang sutal᷊oarang kamene.

13Sal᷊ạanune, kai pěmpahul᷊uasẹ̌ i kamene watụ u kawe nẹ̌těngkapẹ̌tatahang dingang'i Kristus. Tangu hědon sarung kawawantug'i Kristus e semben ilahẹ ute i kamene sarungbe měmpahul᷊uasẹ̌.

14Barạuntu i kamene kereu heghesang ual᷊ingu i kamene nakoạ tumatol᷊e si Kristus. Ene e kai tandane Rohkẹ̌ u Ruata mawantugẹ̌ e kai ene ringangi kamene.

15Kumbahangbe piạu sěngkatau sutal᷊oarang kamene e nasunsara kahiam pěmamate, arau tahatako, arau tahapẹ̌koạ dal᷊aị, arau kinahiang i sie měngkai rụl᷊aụ urusangu wal᷊ine.

16Kaiso kamagengu i kamene nasunsara ual᷊ingu i kamene kawe tau Sahani e ute kumbahangbue měngkameang ene. Pakitarimakasẹko su Mawu Ruata e, watụ u i kamene kawe měbẹ̌bawa arengi Kristus.

17Seng nịdatingu tempone Ruata měhukungu dunia e. Dingangu kai tẹ̌tạ bọu ral᷊ohon jamạat'u Mawu e ihukung kal᷊imona. Kụ kereu Mawu Ruata e kai měhukung itětạ bọi kitẹ e, ute kereapa wue kakakoạ i sire taumata apan tawe měmpangimang Injilu Mawu Ruata e sarung?

18Su ral᷊ungu Bukẹ̌ Susi e kạbawohẹ kere ini, "Kereu taumata mapapia e sembeng tětehẹ̌ maambang, ute kereapa wue sarung mariadi su taumata warạdosa e wẹ̌gam Mawu!"

19Ual᷊ingu ene, kereu piạ taumata nasunsara ual᷊ingu kapulun Mawu e kerene, ute kěnangko i sire ene pěmpẹ̌biahẹ̌ pakatatul᷊idẹ̌ dingangu měmpěnarakangu watangeng'i sire e su Mawu Měndariadi si sire. I Sie sarung masaun sul᷊ene měngganapẹ̌ kẹ̌don'E.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  1 Petrus 4 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel