Alkitab Mobile SABDA
[VER] : [SANGIR]     [PL]  [PB] 
 <<  2 Korintus 11 >> 

1Kěnangko wala iạ deng mẹ̌kinau wodo kadodọ. Botonge arau ěng?

2Iạ e mẹ̌kẹ̌kahumang i kamene, kerẹewe Mawu sẹ̌sane měkẹ̌kahumang i kamene. I kamene kai kere sěngkatau mahuala parawang kụ bědang tạ turạ e seng takụ nikẹ̌doěng u sarung ipẹ̌kawing u sěngkatau kaghiang esẹ kụ i Kristus.

3Kai iạ e ghụgěnggangu naungu kawe sarung kaiwogang kụ sarung tạ satiane si Kristus e, kerẹewe i Hawa e kal᷊imona mal᷊aing nikawitaugang u tondoal᷊ị u těmpu e.

4Batụu luhude i kamene měngkate maral᷊uasẹ̌ měmpanarimạ u taumata měmpẹ̌děnta su anung kamene mase maněntiro mạanun Yesus bal᷊ine-bal᷊inewe -- i Yesus takụ ipẹ̌pakasingkạ si kamene. Kụ i kamene mal᷊aing sadia rimaẹ rohkẹ̌ dingangu, "Injilẹ̌" nẹ̌tatěntang u Rohkẹ̌ u Ruata ringangu Injilẹ̌ seng kinatarimạ i kamene wọi kami.

5Pěndangengku iạ e wal᷊inewe nakoạ su al᷊ungu "rarolohang" mawawaigẹ̌ ene!

6Aramanung iạ kai longong mẹ̌dudato, kai su hal᷊ẹ̌ u kasingkạ ute wal᷊inewe longong. U ene seng takụ niapasilo si kamene su patikụ munara.

7Su tempon iạ e mělẹ̌habaru Injilẹ̌ si kamene, iạ e tawe mẹ̌gaghausẹ̌ si kamene e apěnẹ̌newa si siạ sarang kadodọ; kụ ual᷊ingu ene iạ e mẹ̌tẹ̌těngkasanạ u watangengku. Iạ nẹ̌koạ kerene tadeạu mapakarangẹ i kamene. Kụ lẹ̌ěnnaěng ene kai sěmbaụ pẹ̌sasal᷊a wọu iạ si kamene ngae?

8Su tempong iạ mẹ̌tẹ̌tangkiang si kamene, iạ e tẹ̌tangkianeng u manga jamaatẹ̌ bal᷊ine. Botonge ikawera u iạ e kai makạdugi manga jamaatẹ̌ ene mědeạu makapẹ̌tul᷊ung si kamene.

9Kereu su tempo ene iạ e kakawusange, iạ e tawe sarang sěnsul᷊e mapakasusang kamene sarang sěngkatau. Kěbị apang takụ gẹ̌gausang e seng nital᷊ung u manga anạ u sěmbaụ bọu Makedonia. Iạ e mẹ̌tẹ̌teghang sěngapam botonge tadeạu iạ e tawe makasigěsạ si kamene baebe su ral᷊ungu kakakoạ kereapa, dingangu iạ e mang sarung hanesẹ̌ mẹ̌teghang tadeạu ene mang mạtatanạ kerene.

10Dal᷊esạku ini e mamben tawe ikarědasẹ̌ balạewe měnsang su weọ e sude su kaguwạu Akaya, batụu těntirong Kristus kụ kahěngang e kai si siạ.

11Unụewe iạ nẹ̌bera kerene? Kiwuạu kai ual᷊ingu iạ e tawe kiměndag'i kamene ngae? Mawu Ruata e masingkạ u iạ e kụkěndag'i kamene.

12Apan takụ kẹ̌koateng ini e mal᷊aing takụ koateng su tempo ramahi tadeạu manga "rarolohang" bal᷊ine e tawẹ dal᷊enge waugu mapakasěllahu watangenge kụ měmpẹ̌berau i sire němpěmunara mẹ̌sul᷊ung i kami.

13Taumata kerene ute kai manga mahang darolohang. I sire kai mělahal᷊ẹ̌ kụ měmẹ̌mul᷊inạ taumata ringangu mẹ̌tẹ̌těngkaambing kere manga rarolohang i Kristus.

14Abe karal᷊inaụ u i sire měmpẹ̌kẹ̌koạ kerene, u setang sẹ̌sane mal᷊aing nakiral᷊uměmping mạnihing malaekatu tualagẹ̌ e!

15Tangu abe lai ral᷊inaụ kereu manga mẹ̌tatangkiangu setang e makiral᷊uměmping mạnihing manga rarolohang měmpẹ̌kẹ̌koạ kapulun Duata e. Susamurine i sire lai sarung měmpanarimạ u wawal᷊ise tuhụewe kasarian patikụ apang kakakoạ i sire.

16Kạpia iạ mẹ̌bera u: Abe piạu mangěnna u iạ kai longong. Kai kereu i kamene kawe měmpạngěnna u kawe kerene, ute apakawalako iạ longong ini e deng lai lumesạ kạdodọ.

17Tangu! Iạ deng mẹ̌sěbạu ral᷊esạku, kaiso ini e wal᷊inewe Mawu e něngoro si siạ pěbẹ̌berang ene. Su hal᷊ẹ̌ ini iạ e kai kahěnga-hěngang mẹ̌bisara kere sěngkatau wodo.

18Mambeng mal᷊awọ taumata kụ lụlesạu manga hal᷊ẹ̌ u madunia, tangu iạ e mapulu l᷊ai lumesạ e.

19Kụ i kamene měngkate maral᷊uasẹ̌ makakědang su těngon taumata kụ l᷊ongong, batụu i kamene měpẹ̌pěndang batangeng e enẹ e kapandene!

20I kamene měngkate mạpakawala kereu piạu mẹ̌tahuěllang i kamene, arau manịgěsạ dingangu mạngakal᷊ẹ̌ si kamene, arau měpẹ̌pěndang batangeng e limembong karangẹ e wọ'i kamene ringangu wahani měmeru si kamene.

21Iạ e mamea mangaku u i kami e tumanịe lome su měkoạ kerene. Kaiso apang kụ bahani ilesạu taumata wal᷊ine, iạ e wahani lai! (Iạ e měbẹ̌bera kere sěngkatau longong.)

22Tau Ibrani e i sire? Iạ e mal᷊aing tau Ibrani. Tau Israel ngae i sire? Iạ e mal᷊aing tau Israel. Hiten Abraham i sire? Iạ lai kerene!

23Manga mẹ̌tatangkiang si Kristus, tangu i sire? Daringihange iạ e seng mẹ̌sul᷊ungu kinasueng'u tiněnna, kaiso iạ e mambeng mẹ̌tangkiang limembong kapiane wọu i sire kěbị e! Iạ e mẹ̌kẹ̌karadiahang limembong kasěgade, iạ e masau itahungkụ, iạ e limembong kasaune pahangeng dingangu masau masarạ mate.

24Seng liman sul᷊e iạ nipahangeng u tau Yahudi ringangu ral᷊uwagẹ̌ těllum pul᷊o sio su sul᷊ene.

25Těllun sul᷊e niwěbahu tau Roma; iạ selaing bọu niwahungang'u watu. Těllun sul᷊e iạ nikasiladeng u kapal᷊ẹ̌ su l᷊audẹ̌, dingangu sěnsul᷊e iạ e měngkate rụdal᷊ěto su l᷊audẹ̌ gěnnangu ruam pul᷊o ěpạ su kaorase.

26Masau su sul᷊ene iạ e rụdal᷊eng su ral᷊eng makạgaghěnggang; ghụgěnggang u kal᷊ěbaěng, piạu mělingu; sombang bọu sěmběkan Yahudi arau l᷊ai wọu sěmbẹ̌kang bal᷊ine Yahudi, silakạ su soane, silakạ sul᷊ikudu soa, silakạ su l᷊audẹ̌, ringangu wọu apan taumata kụ mạngakung batangenge kere anạ u sěmbaụ lawọ taumatan Sahani sěmbal᷊iau wal᷊ine wue.

27Iạ e měbẹ̌bal᷊insuagẹ̌ dingangu mẹ̌kẹ̌karadiahang sěngapam botonge, ilẹ̌langgange, tawe kumakaěng, tawe manganginung, masau mal᷊anting u tiang tạ l᷊ohone, dẹ̌dahěndongang ual᷊ingu tạ l᷊ahěmbung badang dingangu tạ u pẹ̌tumanakeng.

28Su sěmběkang kěbị ene, ěllo-ěllo iạ e mal᷊aing ghụgěnggangu kakakoạu apan jamaatẹ̌.

29Mạeng piạu mělome iạ e mal᷊aing mělẹ̌lome ringang. Kereu piạu mạnawo su ral᷊ungu rosa, naungku e mal᷊aing mạpěndụ dingang.

30Tangu, kereu iạ e kai hinong piạ u ilesạ, tangu iạ e lụlesạ u apang mělẹ̌lahẹ u karal᷊omeku e.

31Duata, i Amangu Mawu Yesus masingkạ u iạ e tawe mẹ̌kakonti. Karimakọ arenge dẹ̌daloěng sarang marěngụ-děngụ.

32Piạ e iạ nạung su Damsyik, guběrnurẹ̌ nạung měpẹ̌parenta sene kai su parentan Datu i Aretas, něndolohu manga sordado piněndiagạ tukadu soa ene kụ piněnamẹ siạ.

33Kaiso su ral᷊ungu sambeka iạ e niul᷊uhẹ̌ tanaẹ limiu lohange sěmbaụ su meselẹ̌ e. Kerene koạ e sarang iạ nal᷊iwirẹ̌ bọu l᷊imang guběrnurẹ̌ ene.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Korintus 11 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel