Alkitab Mobile SABDA
[VER] : [SANGIR]     [PL]  [PB] 
 <<  2 Korintus 3 >> 

1Kụ měnsang ini kěllaěng e saụewe mẹ̌sul᷊ungu i kami e měmpẹ̌dẹ̌dalo watangeng i kami e ngae? Arau kai měgẹ̌gausewe suratu makịdarumalo si kamene arau wọ'i kamene kerẹewe ghẹ̌gausangu taumata wal᷊ine?

2I kamene hala e kai suratẹ̌ daralo waug'i kami e, kụ kạbawohẹ su ral᷊ungu naung i kami kụ kẹ̌kasingkateng dingangu ikẹ̌kawasang kěbị taumata.

3I sire hala e seng nakasilo u i kamene al᷊ingkai suratẹ̌ nịbawohẹ i Kristus, kụ seng niringọ limiung kami. Suratẹ̌ ene wal᷊inewe niwohẹ u tinta, kaiso kawe ringangu Rohkẹ̌ u Ruata kụ biahẹ̌; bal᷊inewe lai su watulei, kaiso su ral᷊ungu naungu taumata.

4I kami e nẹ̌bera kerene ual᷊ingu kal᷊aiaking i kami e su Mawu Ruata su ral᷊ung i Kristus.

5I kami e tawẹu pamanggilange sarang kadodọ baugu mapakal᷊ahẹu i kami e makaumal᷊ẹ̌ mẹ̌koạ munara ini, kaiso kai Ruata e něgěllịu katoghasẹ̌ ene si kami e.

6Kai i Sie nakaual᷊i si kami e wotonge makoạ mẹ̌tatangkiangu sěmbaụ pẹ̌dariandi wuhu kụ ilẹ̌umbala su Rohkẹ̌ u Ruata, bal᷊inewe su atorang kụ mạbawohẹ. U apang mạbawohẹ e kai makạual᷊i papate, arawe Rohkẹ̌ u Ruata e kai makạual᷊i pẹ̌bawiahẹ̌.

7Su tempon pẹ̌dariandi makạpate e nikoạ dingangu nipakang su watu, kawantugu Ruata e siměnnang mạtuahẹ̌ su ghating Musa. Sěnnang'E měngkate apa kụkerong hakịu kawanuang Israelẹ̌ e tawe makatohạ tumingang gating Musa, manilaing sěnnange su ghatine e su orasẹ̌ ene seng mạnětạ kakạparunge su tempo ene. Tangu kereu pẹ̌tataingu pẹ̌dariandi kụ makạbunạu papate ene niaku ringangu niapakawantugẹ̌ kereng kasariane,

8nal᷊ahẹ, u pẹ̌tataingu pẹ̌dariandi kụ nionggọu Rohkẹ̌ u Ruata e, nighuanting demben lai limembong kawantuge.

9Kereu pẹ̌dariandi kụ měhukungu taumata ene apạe kụkuhenabẹ̌, ute dumakelengke lai něngalembong kawantuge pẹ̌dariandi kụ makạual᷊i taumata e měsẹ̌sěngkapian Duata e.

10Botonge ikawera u apang kụ nạung mawantugẹ̌ e, ute sen tawẹ kawantuge lai ual᷊ingu kawawantugu orasẹ̌ ini e.

11Kereu mangạ e apa kụ kědang e kětạeng sěngkatempo, seng kerene kawantuge, nal᷊ahẹ u manga apạeweng kakalẹ̌ e mal᷊aing nangělembong kawantuge.

12Ual᷊ingu i kami e kawe piạ pangangiaking kerene, tangu i kami e wahani mahumbera kerene.

13I kami e wal᷊inewe kere i Musa kawe mělẹ̌hěmbung gatine ringangu tatimbuhung tadeạu tau Israel tawe makasilo tualagu Mawu e kạkapurạ e ringangu mapuạ bọu ghatine.

14Naung i sire e seng natimbuhung. Kutẹu sarang orasẹ̌ ini naung i sire wědang kạtatimbuhung su tempong i sire kapěbẹ̌basane manga bukẹ̌ u Pẹ̌dariandi Těbe e. Tatimbuhung ene hědong mal᷊ekesẹ̌ kereu taumata e masěmbaụ dingang i Kristus.

15Orasẹ̌ ini lai, kereu i sire měmpẹ̌basa manga bukẹ̌ i Musa, tangu tatimbuhung ene mal᷊aing bědang mělẹ̌hěmbung tiněnnan sire.

16Kai kereu pẹ̌sěngkatau e ruměnta mẹ̌těngon Mawu e, tatimbuhung ene mal᷊aing lekesang bọu ghatin taumata ene.

17Tangu, Mawu kụ iwẹ̌bera sini e ute kai Rohkẹ̌ u Ruata e. Kụ suapang Rohkẹ̌ u Ruata e ene, ute sene mal᷊aing piạ karal᷊iwirẹ̌.

18Orasẹ̌ ini e ghating kitẹ kěbị e tawe nitimbuhungang, hakịu i kitẹ e kai mạpasěnnangu kakerong u Mawu Yesus. Kụ ual᷊ingu ene i kitẹ e měngkai hanesẹ̌ tẹ̌tal᷊imbuhuang pakạkoạ mẹ̌sul᷊ung i Sie; kụ kakạděngụe i kitẹ e mangkeng kakạtualage. Kụ katatualagẹ̌ ene tangu kai wọu Rohkẹ̌, mase Rohkẹ̌ ene ute kai Mawu e.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Korintus 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel