Alkitab Mobile SABDA
[VER] : [SANGIR]     [PL]  [PB] 
 <<  2 Korintus 6 >> 

1Ual᷊ingu i kami e kai měsẹ̌sasumbala su hal᷊ẹ̌ u Mawu Ruata e, ute i kami mělẹ̌harapẹ̌be sěngapam botonge si kamene, piawe i kamene mẹ̌gagholọ u kapian naungu Ruata e.

2Su ral᷊ungu Winohẹ Susi, Mawu Ruata e kai něhengetang, "Su tempon niapakawala e, Iạ seng nakaringihẹ̌ si kau, kụ su ěllọeng kasasal᷊amatẹ̌ e, Iạ seng nẹ̌tul᷊ungi kau." Pẹ̌tahěndungko pakapia, seng ini e tempone kụ niapakawala e. Kụ seng ěllo ini e ipakasal᷊amatẹ̌!

3I kami e tawe mapulu pẹ̌tatangkiang i kami e kawe ipẹ̌sal᷊a. Ual᷊ingu ene i kami e mẹ̌tawakal᷊i tawe mẹ̌gěllịu alasange apa si sai-sai waugu mẹ̌koạ ene.

4Ral᷊iune su patikụ sạbarang, i kami e měnẹ̌nodẹu i kami e kai manga ěllangu Mawu Ruata. Batụu Patikụ haghin sigěsạ e seng kinapěndangeng i kami e ringangu pẹ̌sasabarẹ̌,

5i kami e lẹ̌limareng, tẹ̌tahungkutang, dingangu pẹ̌tẹ̌tatibuluang; i kami e mělẹ̌hal᷊ẹ̌ masěgadẹ̌, pẹ̌sěngkakuhuang e mạl᷊otahẹ̌ dingangu mạl᷊unusẹ̌.

6Kaiso měngkate ringangu naung burěsi, pelesa, naung manandu, ringangu kapian naung, manodẹu i kami e kawe manga ěllangu Mawu. I kami e mạngumpaedẹ̌be kahěnga-hěngang su tatal᷊ěntụ u Rohkẹ̌ u Ruata, ringangu pẹ̌kakakěndagẹ̌ tutune,

7dingangu su pělahabaru hengetang u Mawu ore lai kawasan Duata e i kami kai manga ěllangu Mawu Ruata. I kami e mẹ̌tẹ̌tumpaedẹ̌be su kapulun Duata nakoạ kere aghid'i kami e baugu ipěnagheghe ringangu ipẹ̌tahutěndạ u watangeng.

8I kami e lẹ̌adateng, kaiso mal᷊aing lẹ̌hinakaneng, dẹ̌daloěng kaiso mal᷊aing tẹ̌tungkeaneng. Maningbe i kami e matul᷊idẹ̌ kaiso lẹ̌ěnsilangu tahapěngakal᷊ẹ̌.

9I kami e ikẹ̌koạ kere kẹ̌kawěgaěng kaiso kawe kẹ̌kasingkateng u kěbị taumata, tabidạu mẹ̌tate kaiso wědangbeng biahẹ̌. Maningbe i kami e tẹ̌tingkaitang, kaiso tawe mate.

10Maningbe naung i kami e iapakạsusa e kaiso měngkawe maral᷊uasẹ̌ lai. Kakěllaěngbe kasiang, kaiso i kami e kawe makạkalạ taumata l᷊awọ. Kakěllaěng i kami e tawẹ manga apa-apa, kaiso tuhụ hinone kawe nạung mạnaghuang patikụ sabarang.

11Manga anạ u sěmbaụ ikẹ̌kěndagẹ̌ su Korintusẹ̌! I kami e mangukahu pěndang pakatualagẹ̌ si kamene. Patikụ dal᷊ungu naung i kami e seng nasueng ukahe.

12I kami e tawẹ naung i kami e kạbawuni si kamene, kětạbeng i kamene e mạnuhěsẹ u ral᷊ungu naung i kamene e si kami.

13Tangu iạ mẹ̌bisarạe kere su manga anạku e hala. Kụ naung i kamene e apakal᷊oahẹ̌ko waugi kami e.

14Kumbahangbe mẹ̌papuhehghẹ u taumata apan tawe mangangimang su Mawu Yesus; u kai tawe hinone. Kereapa wue mapia e mẹ̌tatambang dal᷊aị! Tawe nariadi tualagẹ̌ e mẹ̌dal᷊aụ u kararěndung.

15Tawe mariadi i Kristus mẹ̌sěngkanaung u setang. Kai apa tangú sul᷊unge wọu taumatan Sahani ringangu wal᷊ine Sahani?

16Kai apa pěral᷊ahěmpukangu Wal᷊em Mawu ringangu wal᷊en mahan duata? I kitẹ e kai Wal᷊em Mawu, kụ kai Mawu Ruata wiahẹ̌. Mawu Ruata sẹ̌sane něhengetang, "Iạ e sarung mẹ̌tanạ sutal᷊oaran sire, dingangu mẹ̌biahẹ̌ sěngkapẹ̌biahẹ̌ dingang i sire, Iạ e sarung makoạ Duatan sire, kụ i sire e sarung makoạ umatẹ̌-Ku.

17Ual᷊ingu ene, těntangke i sire apam běgang Mawu e, kụ pěnggeangkong batangengu e wọu i sire. Kụ kumbahang-bahang mẹ̌dal᷊aụ u karal᷊amuhụ, tadeạu Iạ e sarungbe měnarimạ i kamene.

18Iạ e sarung makoạ i Amang i kamene ringangu i kamene sarungbe mariadi manga anạ-Ku, kerene angkuěng u Mawu Kasěllahenge."



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Korintus 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel