Alkitab Mobile SABDA
[VER] : [SANGIR]     [PL]  [PB] 
 <<  2 Korintus 8 >> 

1Manga anạ u sěmbaụ, i kami e mapulu l᷊ai tadeạu i kamene makakasingkạ u kereapa kapiane Mawu Ruata suapan jamaatẹ̌ su Makedonia.

2I sire seng niwanikateng u mẹ̌tohạ u haghin sigěsạ mawawěhạ. Kaiso sutal᷊oarang kasasigěsạ ene, i sire mang maral᷊uasẹ̌ dingangu makěhagẹ̌ měgěllịu laonggọ ipẹ̌tul᷊ung taumata wal᷊ine, maningbe i sire masasusa wiahe.

3Iạ bahaniwe makapẹ̌bera u, i sire měmpẹ̌gẹ̌gěllịbe sěngapang ikaumal᷊'i sire sarang katewe mạngělembo wọu ene. Tawẹu měngangoro,

4kai i sire mědẹ̌dorong sěngapang botonge měnsang mal᷊uasẹ̌ bue kereu i sire mangonggọu gaghěllị i sire su jamaat'u Mawu e su Yudea.

5I sire měmpạngonggọbe limembong kal᷊awọe wọu lẹ̌harapeng i kami e. I sire kahumotongange měnẹ̌narakangu watangeng i sire su Mawu e, wọu ene ute si kami e lai, kerẹewe ikẹ̌kapulun Duata.

6Ual᷊ingu ene hakịu i kami e měnẹ̌nahowong si Titus -- kụ seng němahětạeng hal᷊ẹ̌ ini e -- tadeạu i sie měněpasu hal᷊ẹ̌ mapia ini sutal᷊oarạeweng kamene lai.

7I kamene e maotelẹ̌ bue su patikụ sabarang: I kamene e maotelẹ̌ su pangangimang su měngukahu kasingkạ dingangu mẹ̌gěllịu tahuěnna, su ral᷊ungkewen patikụ munara, dingangu su ral᷊ungkeweng kakěndag'i kamene si kami. Ual᷊ingu ene, kěnangko l᷊ai pakaotelẹ̌ i kamene su munara mapia ini e.

8Iạ e tawe měnanahowong u ene kere sěmbaụ parenta. Kaiso ual᷊ingkewen mapatodẹ u kaghaghisingu taumata wal᷊ine mẹ̌tul᷊ungu sěndinganeng, iạ e mal᷊aing mapulu makakasingkạ u sarang apạe kakěndag'i kamene.

9Batụu i kamene masingkạ-singkạ u i kitẹ e limembowen tẹ̌tal᷊ěntukang i Yesus Kristus Mawung kitẹ e. I Sie kai kalạ, kaiso nẹ̌těngkakasiangu watangeng'E waugu kapiang kamene manga anạ u sěmbaụ, tadeạu ual᷊ingu kakakasiang'E, i kamene něngkakalạ.

10Tumuhụ těguku su hal᷊ẹ̌ ini ute semben su tampạ e i kamene mangěnsue apan seng nitětạ i kamene su taung nal᷊iu. Batụu kai i kamene kakal᷊imonaěng e nanětạ u hal᷊ẹ̌ ini.

11Kụ ini e tangu, mapiawe i kamene pěngěnsue hal᷊ẹ̌ ene tuhụewe ikaumal᷊'i kamene. Kụ pakaghaghising bue měnguadipu munara ene, kerẹewe nạung i kamene mal᷊aing maghising němahẹ̌tang hingide.

12Kereu i kamene mal᷊uasẹ̌ měmpangonggọ, tangu Mawu Ruata e sarung sadia manarimạu laonggọ ene suapạeweng piạ i kamene, wal᷊inewe su talane.

13Sạbanari u tawẹ apa mapulu mapakal᷊iun taumata wal᷊ine e wọu tanggunang e, kụ kawe mapakawěhạ i kamene. Kai ual᷊ingu i kamene orasẹ̌ ini e riọbe nipěngal᷊amatenge, ute sembeng hinone i kamene maontol᷊u tul᷊umang su nikakawusang i sire. Hědoweng kereu i kamene kakawusange, kụ i sire rembeng ipěngal᷊amateng kụ ipědẹ̌dal᷊embo tangu i sire sarungbe mẹ̌tul᷊ung i kamene. Kamagengbe kerene tangu ruamběka e lawọ be nitangkianeng.

14(8:13)

15Su ral᷊ungu Winohẹ Susi e kạbawohẹ u, "Si sain lawọ e tawe kinal᷊emboěnge, ringangu si saịewen mahal᷊i e tawe kinakawusange."

16Tarimakasẹ su Mawu Ruata e napakěhagi Titus mẹ̌sul᷊ung laing kami e su mẹ̌tul᷊ung i kamene!

17Batụu i Titus e bal᷊inewe kětạeng tutuhụ dorong i kami e samatang, kaiso i sie lai enẹ e kakěhage mapulu mẹ̌tul᷊ung i kamene hakịeweng kai i sie sẹ̌sane němutusẹ̌ sarang nẹ̌dumating i kamene.

18Niapataking i sie tangu i kami e něndolohu sěngkatau wọu anạ u sěmbaụ kụ měngkai su ralong kěbị jamaatẹ̌ ual᷊ingu munarane kai mạngekeng Injil'u Mawu Ruata.

19Sul᷊iun ene ute, anạ u sěmbaụ ene mal᷊aing seng nipile ringangu nitěbọu manga jamaatẹ̌ tadeạu tumaking si kami suraral᷊engang i kami. Batụu i kami e sarung dumal᷊eng manondan tatongka ene, tadeạu Mawu e wantughang dingangu i kamene makasilo u i kami e sadia wue mẹ̌tul᷊ung.

20I kami e měngkate matěmu-těmudẹ̌ tadeạu kumbahangbe piạu mapẹ̌sal᷊ang kami e su hal᷊ẹ̌u mangěntudu laonggọ sěngarihang ini e.

21I kami e mapulu měmunara matul᷊idẹ̌ bal᷊inewe kětạu su těngon Mawu e, kaiso su těngon taumata e lai.

22Nẹ̌sion Titus dingangu anạ u sěmbaụ ene, i kami e mal᷊aing měndolohu anạ u sěmbaụ bal᷊ine. I kami e seng masau mamanikạ si sie kai nal᷊ahẹu i sie hanesẹ̌ puluang mẹ̌tul᷊ung. Kụ ini e i sie limembọewen mapulu mẹ̌tul᷊ung i kamene watụ u i sie kai piạ pangangumbalane masaria si kamene.

23Arawe i Titus tangu, i sie kai sěngkahal᷊ěkang dingangku, kụ mělẹ̌hal᷊ẹ̌ dingangku e waugu mẹ̌tul᷊ung i kamene. Ringangu su hal᷊ẹ̌ewen mạanun dẹ̌dua sěngkaral᷊eng dingange, ute i sire kai rarolohang u kal᷊awọu jamaatẹ̌ e ringangu makoạ dal᷊uasẹ̌ baug'i Kristus.

24Kụ lẹ̌harapeng i kamene apakal᷊ahẹkon kakěndagi kamene si sire, tadeạu patikụ jamaatẹ̌ e masingkạ u i kamene kụkěndag'i sire ringangu apạeweng ilẹ̌lesạ i kami si kamene mamben těngadẹ̌.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Korintus 8 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel