Alkitab Mobile SABDA
[VER] : [SANGIR]     [PL]  [PB] 
 <<  2 Tesalonika 3 >> 

1Pangěnsueěnge, manga anạ u sěmbaụ, pěmpẹ̌kal᷊iomaneng baụg'i kami. Pěmpẹ̌kal᷊iomaneng tadeạu hengetangu Mawu e lighạbe mạsawuhẹ̌ dingangu matarimạbe mapia kerẹewe lai nạung seng nariadi si kamene.

2Pẹ̌mpẹ̌kal᷊iomaneng lai tadeạu Mawu e měngambang i kami e wọu taumata mal᷊ahěngị dingangu ral᷊akị. U wal᷊inewe kěbị taumata mạngimang hengetangu Mawu e.

3Kai Mawu e satia. I Sie kai sarung mapakatoghas'i kamene ringangu maněntanudi kamene wọ'i Ral᷊akị.

4Mase i kami e mangimangbe masěgadẹ̌ su Mawu mạanung kamene, u i kamene e kai kapẹ̌kẹ̌koạ e ringangu měngkate měkẹ̌koạ apang pakịkoạ i kami e si kamene.

5Karimạko Mawu e měngahạ i kamene limembom makaěnna u Mawu Ruata e kụkěndag'i kamene ringang'i Kristus e mạngonggọu naung makẹ̌dang si kamene.

6Manga anạ u sěmbaụ, su ral᷊ungu kawasang Mawu Yesus Kristus, i kami e měngoro si kamene tadeạu pěmpěnggeako i kamene wọ'i sire apan manga anạ u sěmbaụ lụl᷊eohẹ̌ dingangu tawe tumatuhụ těntiro itěntirong kami e si sire.

7I kamene hala e masingkạu i kamene harusẹ̌be mẹ̌těno kakakoạ i kami e. I kami tawe měmamalasẹ̌ nạung i kami e ene sutal᷊oarang kamene.

8I kami e tawe kumakaěng kaěngu taumata kụ tawe měmamaehẹ̌. Kai ral᷊iune ěllo hẹ̌bi i kami e měmẹ̌munara mẹ̌bẹ̌bangung suagẹ̌ tadeạu i kami tawe mapakasusang i sai-sai wọu tal᷊oarang kamene.

9I kami měkẹ̌koạ ene wal᷊inewe ual᷊ingu i kami e tawe hinone měnuntụ tadeạu i kamene e kai mẹ̌tul᷊ung i kami, kaiso kawe ual᷊ingu i kami mapulu makoạ pẹ̌tatěnoěng si kamene.

10Su tempong i kami wẹ̌dang sutal᷊oarang kamene e, i kami e něngonggọ u atorang ini, "I sai-sain tawe mapulu měmpěmunara ute tawe wotonge mahungkaěng."

11I kami mẹ̌bẹ̌bera kere ini watụ u i kami e makạdingihẹ̌ u piạ taumata sutal᷊oarang kamene e mẹ̌pẹ̌paral᷊eong. I sire tawẹ hal᷊ẹ̌ i sire tumbạu mẹ̌tẹ̌tasibung lụl᷊aụ urusangu taumata wal᷊ine.

12Su ral᷊ungu kawasan Mawu Yesus Kristus i kami e mạngoro si sire ringangu mạngonggọu tẹ̌gu, tadeạu i sire měhal᷊ẹ̌be matatapẹ̌ dingangu mědẹ̌deạbe wiah'i sire hala.

13Kai i kamene kumbahangbe mawoehẹ̌ mẹ̌koạ mapia.

14Aramanung hẹ̌dowem piạu tawe tumuhụ apang iwẹ̌berang kami su ral᷊ungu suratẹ̌ ini. Pakaingatẹ̌ bue su taumata kerene ringangu abe pěhapị i sie, tadeạu i sie mamea wue.

15Kai kumbahangbe i sie koateng kere sědụ; kụ kětạeng panasa si sie kere su anạ u sěngkatau.

16Mawu e kai puěngu karal᷊unsemah'i kitẹ. Karimạko i Sie měngkai hanesẹ̌ mangonggọ u karal᷊unsemahẹ̌ si kamene su ral᷊ungu patikụ sabarang. Karimạko Mawu e mahundingang i kamene kěbị.

17Tabeạku, wọ'u iạ i Paulus. Iạ sẹ̌saku namohẹ u wahageang ini. Kụ ini e kai takụ nipělọ tatiala su kěbị suratẹ̌ku.

18Mal᷊owọko Mawung kitẹ i Yesus Kristus měngal᷊amatẹ̌ si kamene kěbị. Adat'i kami, Paulus



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  2 Tesalonika 3 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel