Alkitab Mobile SABDA
[VER] : [SANGIR]     [PL]  [PB] 
 <<  Ibrani 5 >> 

1Apạeweng imang mawantugẹ̌ nipile wọu tal᷊oarang taumata e, kụ nihengkẹ makoạ mẹ̌tatangkiang Duata e kai nakoạ kere tuměllang i sire. Hal᷊ẹ̌ e ute kai měnẹ̌narakangu manga ghaghěllị dingangkewen manga sasěmba e waugu kal᷊aampung u rosa e su Mawu Ruata e.

2Imang mawantugẹ̌ ene e měngkatewe napenẹ u karal᷊ome kụ ual᷊ingu ene ute wotonge mẹ̌těngkasikome su těngon sai-sai apạeweng běgang apa-apa ringangu kinapal᷊idangu ral᷊enge.

3Kụ ual᷊ingu i sie hala e kawe lome, ute i sie hinong měnarakangu sasěmba ringangu manga ghaghěllị, bal᷊inewe kětạeng ual᷊ingu rosan taumata e, kaiso kawe ual᷊ingu rosane hala.

4Tawẹ apa sarang sěngkatau kụ mẹ̌těngkaruị u watangenge hala makoạ imang mawantugẹ̌ e. Taumata makoạ imang mawantugẹ̌ e, kamagengu Ruata e mẹ̌kui si sie waugu ene e -- mẹ̌sul᷊ungkewe i Harun.

5Kerene lai i Kristus. I Sie tawe něnduị u watangenge hala nakoạ Imang Mawantugẹ̌. Mawu Ruata e sẹ̌sane něnduị i Sie. Duata e něhengetang si Sie, "I Kau e Ahusẹ̌-Ku; sahěllo ini, Iạ makoạ i Amang'U."

6Su tampạ bal᷊ine e Mawu Ruata e mal᷊aing něhengetang, "I Kau e kai Imang sarang kakalẹ̌, mẹ̌sul᷊ungu Imang Melkisedek."

7Su tempong pẹ̌bawiah'i Yesus su dunia ini e, i Sie nẹ̌kal᷊iomaneng dingangu kụkakindoạ piạ tingihe maihạ dingangu kạsangị e su Mawu Ruata, kawasa měngambang si Sie wọu papate. Kụ ual᷊ingu i Sie kawe sụsasimpěllọ su Mawu Ruata ringangu kal᷊awọu adatẹ̌ e, tangu i Sie rẹ̌daringihang.

8Mawu Yesus e kai Ahus'u Ruata, kai manilaing kerene, i Sie kawe něngěndung nẹ̌těngkasatia wọu kasasigěsạ e.

9Tangú samurin Sie nipakariadi mananal᷊amatẹ̌ nasukụ, i Sie nakoạ pungu kasasal᷊amatẹ̌ kakalẹ̌ baugu patikụ taumata kụ matuhụ si Sie,

10dingangu Mawu Ruata e mal᷊aing nělahẹ u i Sie kai sěngkatau Imang Mawantugẹ̌, mẹ̌sul᷊ungu Imang Melkisedek!

11Su hal᷊ẹ̌ u kal᷊aianeng i Yesus nakoạ Imang Mawantugẹ̌ e kai mal᷊awọ hinong i habar'i kami si kamene, kaiso kawe masusa pěnualagenge, watụ u i kamene kai marěngụ makaěnna.

12Tuhụ hinone kai seng tempone i kamene makoạ mananěntiro, kutẹu i kamene kawe nạung deng bědang měngěndung bọu wal᷊ine su hal᷊ẹ̌ u wal᷊ohu těntirong Mawu Ruata e humotong. I kamene reng bědang tawe makatarimạ u kaěng makakětị; u i kamene kai hinong bědang manginung susu samatang.

13I sain bědang manginung susu e ute, mělẹ̌lahẹu i sie wědang tal᷊awuọ; deng tawẹ ěbạ e su kasingkạu mạpatiral᷊ang apang nihino ringangu apang nẹ̌sal᷊a.

14Kaěng makětị e kai waugu taumata matěllang e ual᷊ingkewen karal᷊embong ěbạ i sire, kụ seng makakoạ mapẹ̌dal᷊ahaen sude mapia ringangu sude ral᷊akị e.



Studi Alkitab dengan AI: Chat dengan Alkitab GPT.

Studi lengkap, silahkan lihat: Alkitab SABDA.
Dengar dan baca Alkitab Karaoke, silahkan kunjungi: Alkitab Karaoke.
Rencana Multimedia Baca Alkitab: BaDeNo.

 <<  Ibrani 5 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Keesaan
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
Alkitab.SABDA.org
Android.SABDA.org
SABDA.APP
BaDeNo
Alkitab GPT
Bantuan
Dual Panel Dual Panel