Dual PanelParbagi bani Malim-malim
1On do pambagian ni ginompar ni si Aron. Anak ni si Aron: si Nadab pakon si Abihu, si Eleasar pakon si Itamar.
2Tapi matei popor do si Nadab pakon si Abihu parlobei humbani bapa ni sidea; gabe si Eleasar pakon si Itamar do na mangabing hamalimon ai.
3Jadi ibagi si Daud ma sidea marhitei pangurupion ni si Sadok, na humbani ginompar ni si Eleasar, pakon si Ahimelek, na humbani ginompar ni si Itamar, romban hubani horinni bei, mandalankon horjani.
4Halani bueinan do jumpah kopala humbani ginompar ni si Eleasar ase humbani ginompar ni si Itamar, gabe iranggi ma sidea sonon: Sapuluh onom halak humbani ginompar ni si Eleasar bahen kopala ni sidea mar sasaompung anjaha humbani ginompar ni si Itamar ualuh halak bahen kopala ni sidea mar sasaompung.
5Tapi marhitei ruji-ruji do parranggi ni sidea ai, dos bei homa ibahen ai; adong do kopala ni ianan na mapansing ai, sonai homa kopala ni parugas i lobei ni Naibata, humbani ginompar ni si Eleasar pakon humbani ginompar ni si Itamar.
6Si Semaya, jurutulis ai, anak ni si Netaneel, halak Levi ai, ia do na manurati goran ni sidea i lobei ni raja ai, kopala-kopala ai, malim Sadok pakon si Ahimelek, anak ni si Abyatar, pakon i lobei ni kopala ni malim ampa halak Levi mar sasaompung; margantih-gantih do ibahen horin ni ginompar ni si Eleasar pakon horin ni ginompar ni si Itamar.
7Ruji-ruji na parlobei madabuh bani si Joyarib, na paduahon bani si Jedaya;
8na patoluhon bani si Harim, na paompatkon bani si Seorim,
9na palimahon bani si Malkia, na paonomkon bani si Miyamin,
10na papituhon bani si Hakos, na paualuhkon bani si Abia,
11na pasiahkon bani si Jesua, na pasapuluhkon bani si Sekanya,
12na pasapuluhsadahon bani si Eliasib, na pasapuluhduahon bani si Jakim,
13na pasapuluhtoluhon bani si Hupa, na pasapuluhompatkon bani si Jesebeab,
14na pasapuluhlimahon bani si Bilga, na pasapuluhonomkon bani si Immer,
15na pasapuluhpituhon bani si Hesir, na pasapuluhualuhkon bani si Hapises,
16na pasapuluhsiahkon bani si Petaya, na paduapuluhkon bani si Jeheskel.
17na paduapuluhsadahon bani si Jakin, na paduapuluhduahon bani si Gamul,
18na paduapuluhtoluhon bani si Delaya, na paduapuluhompatkon bani si Maasya.
19Ai ma horin ni sidea, laho mandalankon horja ni sidea bei, laho masuk hu Rumah ni Jahowa, mangihutkon aturan ni si Aron, bapa ni sidea ai, songon na tinonahkon ni Jahowa bani.
Ginompar ni halak Levi na legan ai
20Anjaha pasal halak Levi na legan ai: Humbani anak ni si Amram, si Subael; humbani anak ni si Subael, si Jedaya;
21humbani anak ni si Rehabya, si Jisia, kopala;
22humbani halak Jishari, si Selomot; humbani anak ni si Selomot, si Jahat;
23humbani anak ni si Hebron, si Jeria, kopala, si Amarya paidua, si Usiel paitolu, si Jekamean paiompat;
24humbani anak ni si Usiel, si Mika; humbani anak ni si Mika, si Samir;
25anggi ni si Mika, si Jisia; humbani anak ni si Jisia, si Sakarya.
26Anak ni si Merari: Si Mahli pakon si Musi, pakon anak ni anakni si Jaasia.
27Anak ni si Merari, na humbani si Jaasia: Si Soham, si Sakkur pakon si Ibri.
28Humbani si Mahli: Si Eleasar, seng dong anakni.
29Humbani si Kis, anak ni si Kis, si Jerameel.
30Anak ni si Musi: Si Mahli, si Eder pakon si Jerimot. Ai ma ginompar ni halak Levi mar sasaompung.
31Pasal sidea pe idalankon do ruji-ruji, usih songon sanina ni sidea, ginompar ni si Aron, i lobei ni Raja Daud, si Sadok, si Ahimelek pakon i lobei ni kopala ni malim ampa halak Levi mar sasaompung.