Dual PanelGinompar ni si Levi
1Ia anak ni si Levi, ai ma: Si Gersom, si Kahat pakon si Merari.
2Anak ni si Kahat: Si Amram, si Jishar, si Hebron pakon si Usiel.
3Anak ni si Amram: Si Aron, si Musa pakon si Miryam. Anak ni si Aron: si Nadab, si Abihu, si Eleasar pakon si Itamar.
4Si Eleasar ai ma bapa ni si Pinehas, si Pinehas bapa ni si Abisua,
5si Abisua bapa ni si Buki, si Buki bapa ni si Usi,
6si Usi bapa ni si Seraya, si Seraya bapa ni si Merayot,
7si Merayot bapa ni si Amarya, si Amarya bapa ni si Ahitub,
8si Ahitub bapa ni si Sadok, si Sadok bapa ni si Ahimas,
9si Ahimas bapa ni si Asarya, si Asarya bapa ni si Johanan,
10si Johanan bapa ni si Asarya (ia do na mangkorjahon hamalimon i rumah na pinajongjong ni si Salomo i Jerusalem),
11si Asarya bapa ni si Amarya, si Amarya bapa ni si Ahitub,
12si Ahitub bapa ni si Sadok, si Sadok bapa ni si Sallum,
13si Sallum bapa ni si Hilkia, si Hilkia bapa ni si Asarya,
14si Asarya bapa ni si Seraya, anjaha si Seraya bapa ni si Josadak.
15Tapi anggo si Josadak tarboan do hu habuangan, sanggah na binuangkon ni Jahowa halak Juda pakon Jerusalem marhitei si Nebukadnesar.
16Anak ni si Levi: Si Gersom, si Kahat pakon si Merari.
17On do goran-goran ni anak ni si Gersom: Si Libni pakon si Simei.
18Anak ni si Kahat: Si Amram, si Jishar, si Hebron pakon si Usiel.
19Anak ni si Merari: Si Mahli pakon si Musi. On do ginompar ni si Levi marsasaompung.
20Anak ni si Gersom ai ma si Libni, anak ni ai si Jahat, anak ni ai si Simma,
21anak ni ai si Joah, anak ni ai si Iddo, anak ni ai si Sera, anak ni ai si Jearterai.
22anak ni si Kahat si Aminadab, anak ni ai si Kora, anak ni ai si Asir,
23anak ni ai si Elkana, anak ni ai si Abiasap, anak ni ai si Asir,
24anak ni ai si Tahat, anak ni ai si Uriel, anak ni ai si Usia, anak ni ai si Saul.
25Anak ni si Elkana: Si Amasai pakon si Ahimot,
26anak ni ai si Elkana, anak ni ai si Sopai, anak ni ai si Nahat,
27anak ni ai si Eliab, anak ni ai si Jeroham, anak ni ai si Elkana, anak ni ai si Samuel.
28Anak ni si Samuel: Si Joel, bunga tubuhni pakon si Abia.
29anak ni si Merari: Si Mahli. Anak ni ai si Libni, anak ni ai si Simei, anak ni ai si Usa,
30anak ni ai si Simea, anak ni ai si Hagia, anak ni ai si Asaya.
31On do na pinabangkit ni si Daud, mandalankon pandodingon i Rumah ni Jahowa, singgan ni dob jonam poti parpadanan ijai.
32Jadi marugas ma sidea i lobei ni lampo-lampo partumpuan ai mandalankon pandodingon das ronsi na pinauli ni si Salomo Rumah ni Jahowa i Jerusalem; marhorin do sidea marugas.
33On ma sidea na marugas ai pakon anak ni sidea. Humbani anak ni si Kahat: Si Heman, pandoding ai, anak ni si Joel, anak ni si Samuel,
34anak ni si Elkana, anak ni si Jeroham, anak ni si Eliel, anak ni si Toah,
35anak ni si Zup, anak ni si Elkana, anak ni si Mahat, anak ni si Amasai,
36anak ni si Elkana, anak ni si Joel, anak ni si Asarya, anak ni si Sepanya,
37anak ni si Tahat, anak ni si Asir, anak ni si Abiasap, anak ni si Korah,
38anak ni si Jishar, anak ni si Kahat, anak ni si Levi, anak ni si Israel.
39Ia si Asap, saninani ai, na jongjong i siamunni, ai ma si Asap, anak ni si Berekia, anak ni si Simea,
40anak ni si Mikael, anak ni si Maaseya, anak ni si Malkia.
41anak ni si Etni, anak ni si Serah, anak ni si Adaya,
42anak ni si Etan, anak ni si Simma, anak ni si Simei,
43anak ni si Jahat, anak ni si Gersom, anak ni si Levi.
44Anjaha anak ni si Merari, anggi ni sidea ai, na jongjong hampit sambilou, ai ma: Si Etan, anak ni si Kisi, anak ni si Abdi, anak ni si Maluk,
45anak ni si Hasabya, anak ni si Amasya, anak ni si Hilkia,
46anak ni si Amsi, anak ni si Bani, anak ni si Semer,
47anak ni si Mahli, anak ni si Musi, anak ni si Merari, anak ni si Levi.
48Anjaha sanina ni sidea, halak Levi ai, domma ipabangkit mandalankon ganup horja na i Rumah ni Jahowa.
49Tapi anggo si Aron ampa anakni ai, sidea do situtung dahupa i atas ni anjap-anjap panggalangan ni galangan situtungon pakon i atas ni anjap-anjap panggalangan ni dahupa ampa sidalankon sagala horja ibagas kamar na pansing sahalian ai, ampa mambahen pardearan bani Israel, romban hubani haganup na tinonahkon ni si Musa, juakjuak ni Naibata.
50On do ginompar ni si Aron. Si Eleasar do anakni, anak ni ai si Pinehas, anak ni ai si Abisua,
51anak ni ai si Buki, anak ni ai si Usi, anak ni ai si Seraya,
52anak ni ai si Merayot, anak ni ai si Amarya, anak ni ai si Ahitub,
53anak ni ai si Sadok, anak ni ai si Ahimas.
Huta ni halak Levi
54Anjaha on do ianan ni sidea, ianan parlampo-lampoan bani tanoh parbagianan ni sidea. Hubani ginompar ni si Kahat -- (ai sidea do mandapot bagian na parlobei),
55ibere ma Hebron i tanoh Juda ampa sampalan na inggot hujai.
56Tapi anggo ladang ni huta ai ampa dusunni ibere sidea do hubani si Kaleb, anak ni si Jepunne.
57Ibere sidea do homa hubani ginompar ni si Aron huta haporusan: Hebron pakon Libna ampa sampalanni, Jatir pakon Estemoa ampa sampalanni,
58Hilen ampa sampalanni pakon Debir ampa sampalanni,
59Asan ampa sampalanni pakon Bet-semes ampa sampalanni.
60Anjaha humbani marga Benyamin: Geba ampa sampalanni, Alemet ampa sampalanni pakon Anatot ampa sampalanni. Anjaha ganup huta ai, na binere hubani ginompar ni sidea, sapuluh tolu huta do.
61Tapi hubani anak ni si Kahat, na tading ai, domu hubani sidea mar sasaompung, ibere do marhitei ruji-ruji sapuluh huta, humbani marga Efraim, Dan ampa satongah marga Manasse.
62Hubani ginompar ni si Gersom, domu hubani sidea mar sasaompung, ibere do sapuluh tolu huta humbani marga Isasar, marga Asser, marga Naptali pakon humbani satongah marga Manasse i Basan.
63Hubani ginompar ni si Merari, domu hubani sidea mar sasaompung, ibere do marhitei ruji-ruji sapuluh dua huta humbani marga Ruben, marga Gad pakon marga Sebulon.
64Ibere halak Israel ma huta-huta ai ampa sampalanni hubani halak Levi.
65Ibere sidea do homa marhitei ruji-ruji humbani marga Juda, humbani marga Simeon pakon humbani marga Benyamin huta-huta on, ipatugah sidea do goran-goranni.
66Tapi anggo ginompar ni si Kahat dapotan huta parbagianan do humbani marga Efraim.
67Ibere do hubani sidea huta haporusan: Sikem pakon sampalanni i dolog Efraim, Geser ampa sampalanni,
68Jokmeam ampa sampalanni, Bethoron ampa sampalanni,
69Ayalon ampa sampalanni, Gat-rimon ampa sampalanni,
70Anjaha humbani satongah marga Manasse: Aner ampa sampalanni pakon Jibleam ampa sampalanni, hubani ginompar ni si Kahat na tading ai.
71Ia hubani ginompar ni si Gersom ibere do humbani satongah marga Manasse: Golan i Basan ampa sampalanni, pakon Astarot ampa sampalanni.
72Humbani marga Isasar: Kison ampa sampalanni, Deberat ampa sampalanni,
73Ramot ampa sampalanni pakon Anem ampa sampalanni.
74Humbani marga Asser: Misal ampa sampalanni, Abdon ampa sampalanni,
75Helkat ampa sampalanni pakon Rehob ampa sampalanni.
76Humbani marga Naptali: Kades i Galilea ampa sampalanni, Hammon ampa sampalanni pakon Kiryataim ampa sampalanni.
77Hubani ginompar ni si Merari, na tading ai, ibere do humbani marga Sebulon: Rimmon ampa sampalanni pakon Tabor ampa sampalanni.
78Anjaha i dipar ni Jordan, dohorhon Jeriko hampit hapoltakan ni Jordan, humbani marga Ruben: Beser, na i halimisan ampa sampalanni, Jasa ampa sampalanni,
79Kedemot ampa sampalanni pakon Mepat ampa sampalanni.
80Humbani marga Gad: Ramot i Gilead ampa sampalanni, Mahanaim ampa sampalanni,
81Hesbon ampa sampalanni pakon Jaeser ampa sampalanni.