Dual PanelPanrajaion ni si Jotam
1Marumur dua puluh lima tahun do si Jotam, sanggah na bangkit raja ia, anjaha sapuluh onom tahun do dokahni ia manrajai i Jerusalem; ia goran ni inangni, ai ma si Jerusa, boru ni si Sadok.
2Ihorjahon do rosuh ni Jahowa, songon haganup na binahen ni si Usia, bapani ai, tapi seng masuk anggo ia hubagas Rumah ni Jahowa. Tapi tong ope maruhur jahat anggo bangsa ai.
3Ipauli do Horbangan Pardatas i Rumah ni Jahowa, anjaha buei do na pinaulini bani tembok Opel,
4Ipungkah do homa huta i atas dolog ni Juda, anjaha i harangan ipauli do benteng pakon menara.
5Marporang do ia dompak raja ni halak Ammon, anjaha italuhon do sidea, gabe manggalar sohei ma bani halak Ammon, bani na satahun ai saratus talenta pirak, saloksa kor gandum pakon saloksa kor andolei. Sonai do homa pambere ni halak Ammon bani tahun paduahon ampa patoluhon.
6Jadi lambin markuasa ma si Jotam, ai dear do dalanni i lobei ni Jahowa, Naibatani.
7Barita na legan ai ope humbani si Jotam, pakon haganup parporanganni ampa pambahenanni, tonggor ma, tarsurat do ai ibagas Buku ni Raja-raja Israel ampa Juda.
8Marumur dua puluh lima tahun do ia, sanggah na bangkit raja, anjaha sapuluh onom tahun do ia manrajai i Jerusalem.
9Dob ai modom ma si Jotam rap pakon ompungni, anjaha itanom sidea ma ia i huta ni si Daud. Jadi si Ahas, anakni ai ma bangkit raja manggantihsi.