Sahap ni si Bildad na Patoluhalihon:; Seng Dong Jolma na Pintor i Lobei ni Naibata
1Dob ai nini si Bildad na hun Sua ma mambalosi,
2“Bani Naibata do panrajaion pakon panonggotion; Ia do sibahen damei ibagas langit-Ni na gijang ai.
3Mintor tarbilangi ma bala-Ni? Ise ma na so ihonai panondang-Ni?
4Sonaha ma parjadini boi pintor jolma i lobei ni Naibata? Sonaha ma tarbahen pansing tubuh ni sada naboru?
5Tonggor ma, gari bulan seng lihar sinalsalni, anjaha bintang pe, seng pansing bani panonggorni.
6Samintolah jolma ma na doskon gilok-gilok in, barang anak ni jolma, na doskon goya in?”