Alkitab Mobile SABDA
[VER] : [SIMALUNGUN]     [PL]  [PB] 
 <<  Kidung Agung 6 >> 

1Huja do laho haholongan ni uhurmu, ale sijengesan i tongah-tongah ni naboru? Dompak ja laho haholongan ni uhurmu, ase dihut hanami mangindahisi rap pakon ham?

2Domma tuad haudungan ni uhurhu hu pohonni, hu panampangan ni rompah-rompah, laho marmahan ibagas pohon ai, anjaha laho mambuat bunga silundat.

3Haholongan ni uhurhu, ahu do simadasi, anjaha ia simada ahu, na marmahan i tongah-tongah ni silundat.

4Jenges do ham songon Tirsah, ale hinasiholan ni uhurhu, dear songon Jerusalem, anjaha marjumbalang songon bala.

5Padaoh ma matamu humbangku, ai sunsah do ahu ibahen. Jambulanmu usih bani hulanan ni hambing, tuad hun Dolog Gilead.

6Iponmu usih hubani biribiri na baru ginunting, na naik hun paridianni; haganup sidea marrindu-rindu, seng dong na lambang humbani sidea.

7Songon dahupa na binolah do huyummu i pudi ni tudung-tudungmu.

8Onom puluh do nasipuang, ualuh puluh na binuat na legan, anak boru lang habilangan.

9Tapi sahalak do asasku, na majenges bangku, boru sasada ni inangni, kasihan ni na mantubuhkonsi. Kawah do anak boru hu bani, iparhatuah do ia, nasipuang ampa na binuat na legan mamuji-mujisi.

10Ai ise do ai, na mangkawah songon simarikkuning, jenges songon bulan, lihar songon mata ni ari, anjaha jombut songon bala?

11Tuad do ahu hu pohon hayu pala, laho manorih bunga-bunga na i habungan, laho manonggor atap martunasi ma hayu anggur, atap marbungai ma dalima.

12Seng panagaman ni uhurhu, ipaosor ma ahu hubagas gareta odoran ni raja.

13Marhusor, marhusor ma, ale Sulamit, marhusor, marhusor ma, ase ididah hanami bohimu. Ai aha do kinawahkon nasiam bani si Sulamit, sanggah na manortor ia i parsaranan?


  Share Facebook  |  Share Twitter

 <<  Kidung Agung 6 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran