Alkitab Mobile SABDA
[VER] : [SIMALUNGUN]     [PL]  [PB] 
 <<  Kidung Agung 7 >> 

1Dearni in panlangkah ni naheimu marsipatu, ale anak boru na sangap! Parhibul ni binongeimu songon ugas si panjagar, tinukangan ni halak na pandei.

2Abinganmu songon panginuman na hibul, na so ongga hurangan bani siinumon. Boltokmu songon junjunan gandum, niliotan ni bunga.

3Adopmu haduasi songon anak silinduat ni balua.

4Borgokmu songon manara gading. Matamu songon bongbongan na i Hesbon, na bani horbangan Bat-Rabim. Igungmu songon manara Libanon, na manatap dompak Damaskus.

5Ulumu i atasmu songon Karmel do, anjaha jambulan na bani ulumu margerger do; homa sangkut do uhur ni raja ibahen dandan ni jambulanmu.

6Jengesni in ham anjaha laingan, ale hinasiholanku, na majenges bangku!

7Parangkulaonmu songon halambir, adopmu songon tandanni.

8Ningku, “hupanangkih ma halambir on, ase hujolom dangkahni. Sai songon tandan ni buah anggur do adopmu, anjaha misbou ni hosahmu songon untei manis,

9anjaha pamanganmu songon anggur pilihan, na manjalir lamlam bani tolonan, mabaor manlopusi bibir ampa ipon.”

10Haholonganku do simada ahu, hu bangku do siholan ia.

11Roh ma, ale haholonganku, laho ma hita hu ladang, marborngin bani pohon anggur!

12Girah sogod ma hita laho hu pohon anggur, laho manorih atap martunasi ma hayu anggur, mangerbang bungani, anjaha marbungai hayu dalima. Ijai ma bereonku bam holong ni uhurhu.

13Muap ma misbou ni buah dudaim ai; buei do buah na maharga bani labahta, na baru age na madokah, na husimpan bamu, ale haholongan ni uhurhu.


  Share Facebook  |  Share Twitter

 <<  Kidung Agung 7 >> 


Bahan Renungan: SH - RH - ROC
Download
Alkitab ANDROID
Kamus Alkitab
Kamus Bahasa
Kidung Jemaat
Nyanyikanlah Kidung Baru
Pelengkap Kidung Jemaat
Alkitab.mobi
Copyright
© 2010-2023
Alkitab.SABDA.org

Android.SABDA.org
SABDA.mobi
Bantuan
Dual Panel Dual Panel

Laporan Masalah/Saran