Tonggo Mangindo Haluahon humbani Bangsa Sipartinggil
1Doding laho tangkog. Bani Jahowa do ahu dilo-dilo sanggah tarsosak ahu, anjaha ibalosi do ahu.
2Ham Jahowa, paluah Ham ma tonduyhu humbani bibir siparladung, humbani dilah sipangoto-otoi.
3Aha ma berehononni bam, aha ma tambahkononni bam, ale dilah sipangoto-otoi?
4Panah ni puanglima na marot, ampa narnar ni hayu tatada na gara.
5Magou ma ahu, na manginsolat i Mesek, anjaha na marianan i lampolampo ni halak Kedar.
6Madokahtu ma ai marianan ahu, i lambung ni halak na mangkagigihon damei.
7Marosuh do ahu bani damei, tapi marsahapkonsi ahu, mintor ipindahi sidea do partinggilan.