Dual PanelTonggo Mangkopkop Jerusalem
1Doding laho tangkog. Humbani si Daud. Malas do uhurhu, sanggah ihatahon halak bangku, “Laho ma hita hu rumah ni Jahowa.”
2Jongjong do nuan naheinami, bani horbanganmu, ale Jerusalem.
3Ale Jerusalem, na pinajongjong songon kota, na niatur gabe mardomu.
4Tangkog do hujai sagala marga, marga ni Jahowa, aturan do ai bani Israel laho mamuji goran ni Jahowa.
5Tongon, ijai do ipajongjong hotak paruhuman, hotak bani ginompar ni si Daud.
6Pindo nasiam ma damei bani Jerusalem; mardamei ma sagala na mangkaholongi ho.
7Sai damei ma masa ibagas tembokmu, na sonang ibagas rumah bolonmu.
8Halani saninangku pakon huan-kuanku, sai pindohononku do damei ibagas ho.
9Halani rumah ni Jahowa Naibatanta, sai pindahanku do na madear bam.