Hatotapon ni Halak na Martenger ni Uhur bani Jahowa
1Doding laho tangkog. Halak na martenger ni uhur bani Jahowa, songon Dolog Sion do, lang dugur, ronsi sadokah ni dokahni do totap.
2Jerusalem, dolog do manginggotisi, sonai ma Jahowa manginggoti bangsa-Ni, sonari ronsi sadokah ni dokahni.
3Tungkot harajaon ni halak parjahat seng totap ai i atas tanoh parbagianan ni halak parpintor, ase ulang idurdurhon halak parpintor tanganni bani hagedukon.
4Bahen Ham na madear, ale Jahowa, bani halak parbujur, bani halak paruhur na bulus.
5Tapi halak, na marbalik hubani dalan na geduk, sai iboiskon Jahowa ma namin, rap pakon halak parjahat. Damei ma bani Israel.